މިއަހަރުގެ ޖޫން މަހު ބޭއްވި އެޗްއެސްސީ އިމްތިހާނުގެ ނަތީޖާ ދޫކުރާއިރު އިމްތިހާނު ހެދި ދަރިވަރުންގެ ތެރެއިން މި ހިނގާ ސެޕްޓެމްބަރު މަހު ނަތީޖާ ދޫކުރުމަށް ހަމަޖެހިފައިވަނީ ޖޫން މަހު ޓީޗަރ ބޭސްޑް އެސެސްމަންޓް ހެދި ދަރިވަރުންނަށް ކަމަށް ޑިޕާޓްމަންޓް އޮފް ޕަބްލިކް އެގްޒެމިނޭޝަނުން ބުނެފިއެވެ.
އެ ޑިޕާޓްމަންޓުން ނެރުނު އިއުލާނެއްގައި ބުނެފައިވަނީ، އިމްތިހާނު ހެދި އެހެން ދަރިވަރުންގެ ތެރެއިން ނަތީޖާ ބޭނުންވާ ދަރިވަރުން، އެ ދަރިވަރަކު އިމްތިހާނު ހެދި ސެންޓަރެއް މެދުވެރިކޮށް އެދި ހުށަހެޅުމުން އެ ދަރިވަރުގެ ނަތީޖާ ސެންޓަރަށް ފޮނުވާނެ ކަމަށެވެ. އަދި ޑީޕީއީ މެދުވެރިކޮށް އަމިއްލަގޮތުން އެޗްއެސްސީ އިމްތިހާނު ހެދި ދަރިވަރުންގެ ނަތީޖާ މިމަހުގެ 27 ން ފެށިގެން އެ ޑިޕާޓްމަންޓްގެ ކައުންޓަރުން ހެނދުނު 8:30 ން 13:30 ށް ދޫކުރާނެ ކަމަށްވެސް ބުނެފައިވެއެވެ.
މީގެ އިތުރުންވެސް އާއްމުކޮށް ސެންޓަރުތަކަށް އެޗްއެސްސީގެ ނަތީޖާ ދޫކުރުމަށް ހަމަޖެހިފައިވަނީ އޮކްޓޫބަރު މަހުގެ 31 ވާ އާދިއްތަ ދުވަހު ކަމަށްވެސް ޑީޕީއީ އިން ހާމަކުރެއެވެ.
