ކެންސަލްވި ބޮޑު ޖަލްސާ، އަންނަ ބުރާސްފަތީގައި ބާއްވަން މަސައްކަތް ކުރާ ކަމަށް އިދިކޮޅުން ހާމަކޮށްފިއެވެ.
މީގެ ކުރިން މި ބޮޑު ޖަލްސާ ބާއްވަން ތާވަލް ކުރީ ނިމުނު ހަފުތާގެ ހުކުރު ދުވަހުއެވެ. ނަމަވެސް އެދުވަހު މޫސުން ގޯސްވުމުގެ ސަބަބުން ފަހުގެ ތާރީހެއްގައި ބޭއްވުމަށް ޖަލްސާ ކެންސަލް ކުރީއެވެ. ޕްރޮގްރެސިވް ކޮންގްރެސްގެ ފަރާތުން ޕީއެންސީގެ ރައީސް ވިދާޅުވީ، އިދިކޮޅުން ބާއްވާ ވަރަށް ހާއްސަ ޖަލްސާއެއް މި ހަފްތާގެ ބުރާސްފަތި ދުވަހުގެ ރޭ ކާނިވާ ސަރަހައްދުގައި އޮންނާނެ ކަމަށާއި ވީހާވެސް ގިނަ ފަރާތްތަކުން މިޖަލްސާއަށް ހާޒިރުވުމަށް އެދޭ ކަމަށެވެ.
އިދިކޮޅު ކޯލިޝަނުން ބުނީ މި ޖަލްސާއަކީ ދިވެހިރާއްޖޭގެ މިނިވަންކަމާއި އިސްތިގުލާލަށް ނުރައްކާވާ ކަންތައްތަކެއް ސަރުކާރުން ކުރަމުން ގެންދާތީ އެކަމާއި ދެކޮޅަށް ފަށާފައިވާ "މިނިވަންކަމުގެ ދިފާއުގައި ދިވެހިން"، މި ހަރަކާތް ރަސްމީކޮށް އިފްތިތާހު ކުރުމަށް ބާއްވާ ޖަލްސާއެއް ކަމަށެވެ. މި ޖަލްސާގައި އިދިކޮޅުން ބައެއް މުހިންމު ކަންކަން އިއުލާން ކުރަން ހަމަޖެހިފައިވާކަމަށް މައުލޫމާތު ލިބެ އެވެ.
