ގދ ތިނަދޫ އަދި ލ ފޮނަދޫ އިން ވެސް ކޮވިޑް ޕޮޒިޓިވް ކޭސްތަކެއް ފެނިއްޖެއެވެ.
އެރަށުން މައުލޫމާތު ދިން މީހަކު ބުނެފައިވަނީ މިއަދު ތިނަދޫއިން ކޮވިޑަށް ޕޮޒިޓިވްވީ އެރަށު ސުކޫލްގެ ޕްރައިމަރީ ޓީޗަރެކެވެ. ތިނަދޫއިން އިއްޔެ ވަނީ ސުކޫލް ކުއްޖަކު ކޮވިޑަށް ޕޮޒިޓިވެފައެވެ. މި ކޭސް އާއި ގުޅިގެން ބައެއް ދަރިވަރުން މިވަގުތުވެސް ތިބީ ހޯމް ކަރަންޓީނުގައެވެ.
ތިނަދޫއިން ބަލި ޖެހުނު މީހުންގެ ޖުމްލަ އަދަދު ވަނީ 994އަށް އަރައިފައެވެ. އަދި ކޮވިޑް ޖެހިގެން އެރަށުން މިހާތަނަށް ހަތަރު މީހަކު ނިޔާވެފައިވެއެވެ.
މީގެ އިތުރުންވެސް ލ ފޮނަދޫއިން ވެސް މިއަދު ވަނީ މީހަކު ކޮވިޑަށް ޕޮޒިޓިވްވެފައެވެ. ފޮނަދޫއިން ޕޮޒިޓިވްވީ އަލާމާތްތައް ފެނިގެން އެ ރަށު ސިއްހީ މަރުކަޒަށް ދެއްކި މީހެކެވެ. މި ކޭސް އާއި ގުޅިގެން މިވަގުތު މޮނިޓަރިން އަށް ލާފައިވަނީ ފޮނަދޫގެ ދެ ގެއެކެވެ. މީގެ ކުރިންވެސް ކޮވިޑް ޕޮޒިޓިވް ކޭސްތަކާއި ގުޅިގެން ފަނަދޫ ތިން ފަހަރެއްގެ މަތިން މޮނިޓަރިން އަށްލިއެވެ.
