ސެޕްޓެމްބަރު މަސް ނިމުނުއިރު 30 ހާހަށްވުރެ ގިނަ ދަރިވަރުން ވެކްސިން ފުރިހަމަކޮށްފިއެވެ.
އެޑިއުކޭޝަން މިނިސްޓްރީގެ ތަފާސް ހިސާބުތައް ދައްކާގޮތުން 30،571 ދަރިވަރުން ވަނީ މިހާތަނަށް ކޮވިޑް19 ވެކްސިންގެ ދެ ޑޯޒް ފުރިހަމަކޮށްފައެވެ. ވެކްސިންގެ ދެ ޑޯޒް ފުރިހަމަކޮށްފައިވަނީ ރާއްޖޭގެ 213 ސުކޫލަކުންނެވެ.
މިހާތަނަށް ވެކްސިން ޖަހާފައިވާ ސުކޫލް ދަރިވަރުންގެ އަދަދަކީ 36،029 އެކެވެ. މިހާތަނަށް ވެކްސިން ޖަހަން ފަށާފައިވަނީ ރާއްޖޭގެ 218 ސުކޫލެއްގައެވެ.
މިހާތަނަށް ރާއްޖެއިން ވެކްސިންގެ ދެ ޑޯޒް ފުރިހަމަކޮށްފައިވަނީ 339،481 މީޙުންނެވެ. ވެކްސިން ޖެހި ޖުމުލަ އަދަދު ވަނީ 392،315 އަށް އަރާފައެވެ.
ވެކްސިން ނުޖަހާ ފަރާތްތަކަށް ވެކްސިން ޖަހާ ނިންމުމަށް ސަރުކާރުން ވަނީ މިހާރު ހާއްސަ ކެމްޕެއިނެއްވެސް ފަށާފައެވެ. ވެކްސިންގެ ދެ ޑޯޒް ފުރިހަމަކޮށްފައިވާ ފަރާތްތަކަށް މިހާރުވެސް ގިނަ ލުއިތަކެއް ދަނީ ލިބެމުންނެވެ.
