ޖަޕާން ސަރުކާރުން ރާއްޖެއަށް 46 މިލިއަން ރުފިޔާ ހަދިޔާކޮށްފިއެވެ.
މިނިސްޓްރީ އޮފް ފޮރިން އެފެއަރޒްގައި މިއަދު އޮތް ރަސްމިއްޔާތެއްގައި ޖަޕާނު ސަރުކާރުން ރާއްޖެއަށް ހަދިޔާކުރީ 46.35 މިލިއަން ރުފިޔާ އާއި ސީ އެމްބިއުލާންސެކެވެ. ފޮރިން މިނިސްޓްރީން ބުނީ ޖަޕާނުން ރާއްޖެއަށް ހަދިޔާކުރި ފައިސާ ބޭނުން ކުރާނީ ރާއްޖޭގެ އިގްތިސާދާއި އިޖުތިމާއީ ކަންތައްތައް ތަރައްގީކޮށް ހަރުދަނާ ކުރުމަށް ކަމަށެވެ. މިރަސްމިއްޔާތުގައި ރާއްޖޭގެ ފަރާތުން މިތަކެއްޗާ ހަވާލުވެފައިވަނީ ސްޓޭޓް މިނިސްޓަރ އަހުމަދު ހަލީލުއެވެ. ހަލީލު ވިދާޅުވީ، ޖަޕާނު ސަރުކާރުން ހަދިޔާ ކުރި ސީ އެމްބިއުލާންސްގެ ސަބަބުން މޫސުން ގޯސް ދުވަސްތަކުގައި ވެސް ބަލި މީހުން އެއް ރަށުން އަނެއް ރަށަށް ބޮޑު ލުޔެއް ލިބިގެންދާނެ ކަމަށެވެ.
ޖަޕާން ސަރުކާރުގެ ފަރާތުން ރާއްޖެއަށް މި ތަކެތި ހަވާލުކޮށްދެއްވީ އެގައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރު ކެއިކޯ ޔަނާއީ އެވެ.
