ސާފްޗެމްޕިއަންޝިޕް ފުޓުބޯޅަ މުބާރާތުގައި ބުދަ ދުވަހު ރާއްޖެ-އިންޑިއާ ބައްދަލު ކުރާ މެޗަށް ދިވެހިންނަށް ވިއްކާނީ 3000 ޓިކެޓް ކަމަށް އެފްއޭއެމުން ހާމަކޮށްފިއެވެ.
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް ބައްސާމް އަދީލް ޖަލީލް މިއަދު ކުރެއްވި މެސެޖެއްގައި ވިދާޅުވީ، މިމެޗަށް ޓިކެޓް ވިއްކަން ފަށާނީ މާދަމާ ހެނދުނު 10 ޖަހާއިރު ކަމަށާއި މިމެޗަށް ދިވެހިންނަށް ވިއްކާ ގޮތަށް ހަމަޖައްސާފައި އޮތީ 3000 ޓިކެޓް ކަމަށެވެ.
އަދި ޓިކެޓް ގަންނަންދާ ކޮންމެ މީހަކަށް ދޫކުރާނީ ގިނަވެގެން ދެ ޓިކެޓް ކަމަށާއި ޓިކެޓު ވިއްކުމަށް 3 ކައުންޓަރު ހުންނައިރު، ދިވެހިންނަށް ޓިކެޓު ވިއްކުމަށް ހަމަޖެހިފައިވަނީ ސޯޝަލް ސެންޓަރުން ކަމަށް އެފްއޭއެމްއިން ހާމަކުރެއެވެ.
މިފަހަރުވެސް އަވޭ ޓީމަށް ވިއްކާނީ 200 ޓިކެޓެވެ. މިމުބާރާތުގައި ރާއްޖެ ކުޅުނު ބައެއް މެޗްތަކަށް ޓިކެޓް ނުލިބުމުން ސަޕޯޓަރުން ބައްސާމްގެ އިސްތިއުފާއަށްވެސް ގޮވާފައިވެއެވެ. މިއަހަރުގެ ސާފްޗެމްޕިއަންޝިޕް މުބާރާތް ކުރިއަށް ދަނީ މިމަހުގެ 1 ކުން 16 ވަނަ ދުވަހުގެ ނިޔަލަށެވެ.
