ކުރީގެ ރައީސް ޔާމީންވެސް ގައުމީ ޓީމަށް ހިތްވަރު ދެއްވުމަކީ ޓީމަށް ލިބޭނެ އިތުރު ޖޯޝެއް ކަމަށް ޔޫތު މިނިސްޓަރ އަހްމަދު މަހުލޫފު ވިދާޅުވެއްޖެއެވެ.
ރައީސް އަބްދުﷲ ޔާމީން ގައުމީ ޖާޒީގައި ހުންނަވައިގެން ސާފް ޗެމްޕިއަންޝިޕްގައި ކުޅޭ ރާއްޖޭގެ ގައުމީ ފުޓްބޯޅަ ޓީމަށް މިރޭ ހިތްވަރު ދެއްވާފައިވާތީ އެކަމަށް އިޝާރާތް ކުރައްވާ މިނިސްޓަރ ކުރެއްވި ޓުވީޓެއްގައި ވިދާޅުވީ، ކުޅިވަރަކީ ސިޔާސީ ފިކުރު ނައްތާލާ ކަމެއް ކަމަށެވެ. ރައީސް ޔާމީންވެސް ހިތްވަރު ދެއްވުމަކީ ޓީމަށް ލިބޭނެ އިތުރު ޖޯޝެއް ކަމަށާއި އެކަމަށްޓަކައި މަހުލޫފް ވަނީ ރައީސް ޔާމީނަށް ޝުކުރު އަދާކޮށްފައެވެ.
ގައުމީ ޓީމްގެ ކުޅުންތެރިން ޕްރެސްކްޓިސް ނިންމާފައި ދިޔަ މަގުމަތީގައި ރައީސް ޔާމީން ގެކޮޅުގައި ހުންނަވައި ކުޅުންތެރިންނަށް އަތުގެ އިޝާރާތުން ސަލާމް ކުރައްވާ ހިތްވަރު ދެއްވާފައިވެއެވެ. އަދި އެވަގުތު ހިނިތުންވެފައި ތިބެ ކުޅުންތެރިންވެސް ވަނީ ތުގެ އިޝާރާތުން ރައީސް ޔާމީނަށް ސަލާމް ކުރައްވާފައެވެ.
ގައުމި ފުޓްބޯޅަ ޓީމް ސާފްޗެމްޕިއަންޝިޕްގައި ކުޅޭ އެންމެ ފަހު މެޗް އޮންނާނީ މާދަމާރޭ ނުވައެއް ޖަހާއިރު ގަލޮޅު ދަނޑުގައެވެ. މިމެޗްގައި ބައްދަލުކުރާނީ އަވަށްޓެރި އިންޑިއާ އާއި ރާއްޖެ އެވެ.
