އައްޑޫސިޓީން 20 މީހަކު ކޮވިޑަށް ޕޮޒިޓިވްވެއްޖެއެވެ.
އައްޑޫ އިކުއިޓޯރިއަލް ހޮސްޕިޓަލް އިން ހާމަކޮށްފައިވާ ތަފާސް ހިސާބުތަކުން ދައްކާގޮތުން މިހާރުވެސް އައްޑޫ ސިޓީގައި ކޮވިޑް ޖެހިފައި ތިބި 216 މީހުން އެބަތިއްބެވެ. މިވަގުތު ދެ މީހަކު ހޮސްޕިޓަލުގައި އެޑްމިޓް ކޮށްގެން ފަރުވާ ދެމުންދާއިރު މިހާތަނަށް އެ ސިޓީން ވަނީ މިބަލި ޖެހިގެން 3 މީހަކު ނިޔާވެފައެވެ.
އެގޮތުން މިހާރު ކޮވިޑް ބަލީގެ 60 މީހަކު ފޭދޫގައި އެބަތިއްބެވެ. އަދި މަރަދޫ ފޭދޫގައި މިބަލި ޖެހިފައި ތިބި 26 މީހުން ތިބިއިރު ހިތަދޫގައި އެކަނިވެސް 112 މީހުން އެބަތިއްބެވެ. މަރަދޫގައި ތިބީ މިބަލިޖެހިފައިވާ 16 މީހުންނެވެ.
އެކްޓިވް ޑައިރެކްޓް ކޮންޓެކްޓްސްގެ ގޮތުގައި މިވަގުތުވެސް 331 މީހަކު ފާހަގަކުރެވިފައިވާ ކަމަށް އެ ހޮސްޕިޓަލުން ހާމަކުރެއެވެ.
+1
+1
+1
+1
+1
+1
