މަރާލުމަށްފަހު ގޯންޏަކަށްލާފައި އޮތް މީހަކު އދ.ދަނގެތިން ފެނިއްޖެއެވެ.
މައުލޫމާތުލިބިފައިވާ ގޮތުން އދ ދަނގެތީގައި މަރާލާފައި އޮތްވާ ފެނުނު މީހާއަކީ އުމުރުން 55 އަހަރުގެ ދިވެހި ފިރިހެނެކެވެ. މިމީހާއަކީ ދަނގެތީ މީހެކެވެ. އެރަށުން ވާހަކަދެއްކި ބައެއް މީހުން ބުނެފައިވަނީ މިމީހާގެ ހަށިގަނޑު ފެނިފައިވަނީ ވަޅެއްގެ ތެރޭގައި އޮތްވައެވެ. މިމީހާ ގެއްލިގެން ހޯދަން ފަށާފައިވަނީ ރެއިން ފެށިގެންނެވެ.
ފުލުހުންވެސް ބުނެފައިވަނީ އދ ދަނގެތީގައި މަރާލުމަށްފަހު ގޯންޏަކަށްލައި އެއްލާލާފައި އޮތް މީހަކު ފެނިގެން ފުލުހުންނަށް ރިޕޯޓުކޮށްފައިވާ ކަމަށެވެ. އަދި މިހާރު ދަނގެތީގެ އެ ސަރަހައްދުގައި ފުލުހުން ހަރަކާތްތެރިވަމުން އަންނަ ކަމަށާއި އިތުރު މައުލޫމާތު މީޑިއާއަށް ހިއްސާ ކުރަމުންދާނެ ކަމަށެވެ.
ފުލުހުން މިހާރުވަނީ މަރާލާފައި އޮތް މީހާ ފެނުނު ގެ ހިމެނޭ ސަރަހައްދު އާއްމުންނަށް ނުވަދެވޭ ގޮތަށް ބަންދުވެސް ކޮށްފައެވެ.
