އދ ދަނގެތީގައި މިއަދު މަރާލާފައި އޮތްވާ ފެނުނު މީހާގެ މަރުގެ ތަހުގީގު ކުރުމަށް ފުލުހުންގެ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓްގެ ހާއްސަ ޓީމެއް ދަނގެއްޗަށް ދަތުރު ކުރަން ފަށާފައިވާ ކަމަށް ފުލުހުން ބުނެފިއެވެ.
ފުލުހުން ކުރި ޓުވީޓެއްގައި ބުނެފައިވަނީ މިއީ ވަރަށް ސީރިއަސް މައްސަލައެއްގެ ގޮތުގައި ބަލާނެ ކަމަށާއި ކުށްވެރިވާ ފަރާތްތައް އިންސާފުގެ ކުރިމައްޗަށް ގެންނާނެ ކަމަށެވެ. މިއަދު 3:15 ހާއިރު ދެނގެތީ ވިޔަފާރި ވެރިއެއް ކަމަށްވާ މަހުމޫދު އަބޫބަކުރު މަރާލާފައި އޮތްވާ ފެނުނީ އެރަށުގައި ހުންނަ ފަޅުގެއެއްގެ ވަޅުތެރެއިންނެވެ.
މަހުމޫދު ފެނުނު އިރު އޮތީ ގޯންޏަކަށްލާ ދެކޮޅު ގޮށްޖަހާފައެވެ. މިމައްސަލާގައި އަދި އެއްވެސް މީހަކު ހައްޔަރުކޮށްފައިވާ ކަމަށް ފުލުހުން ހާމައެއް ނުކުރެއެވެ. ނަމަވެސް އެ ރަށުގެ ރައްޔިތުން ވަނީ ޝައްކު ކުރެވޭ ދެ މީހަކު މިވަގުތު ދަނގެތީގައި ތިބި ފުލުހުންނާއި ހަވާލުކޮށްފައި ކަމަށް މައުލޫމާތު ލިބެއެވެ.
