ލޯންޗް ބައްޑުންޖަހާލި ހާދިސާގައި ނިޔާވި ނާހިދާގެ މައްޗަށް ކުރެވޭ ކަށުނަމާދު މިއަދު އަސްރު ނަމާދަށް ފަހު ބާއްވާ ގޮތަށް ނިންމައިފިއެވެ.
ކ.އޮޅުވެލި ރިސޯޓް ކައިރީގައި ރޭ ހިނގި ހާދިސާގައި ނިޔާވި މ. ގްރީން ޕީކް އުމުރުން 33 އަހަރުގެ މަރިޔަމް ނާހިދާ ގެ ހަށިގަނޑު މާލެ ގެނެސްފައިވަނީ މިއަދު ހެނދުނު 07:30 ހާއިރުއެވެ. ނާހިދާގެ މައްޗަށް ކުރެވޭ ކަށުނަމާދު އޮންނާނީ މަސްޖިދުލް ތައާވުން އަަސަހަރާ މިސްކިތު ގައެވެ.
މާލެއިން ވ ފުލިދޫ އަށް ދިއުމަށްޓަކައި އިއްޔެ ހަވީރު ހަތަރެއް ޖެހި އިރު ނައްޓާލި ލޯންޗަށް ޖެހި ރާޅަކާއެކު ވިއްސައިގެން ގޮސްފައިވަނީ ނާހިދާ އާއި އޭނާގެ ދެ ކުދިން ކަމަށް މައުލޫމާތުލިބެއެވެ. އަދި މިހާދިސާގައި ގެއްލުނު ނާހިދާގެ ހަތަރު އަހަރުގެ ދަރިފުޅު ހޯދުމުގެ މަސައްކަތް އެމްއެންޑީއެފުން އަދިވެސް ދަނީ ކުރަމުންނެވެ. މިހާދިސާ ހިނގި އިރު އެ ލޯންޗްގައި 12 މީހުން ތިއްބެވެި.
ނާހިދާގެ ހަށިގަނޑު އެންމެ ފުރަތަމަ ގެންދިޔައީ ކ ގުރައިދޫ ސިއްހީ މަރުކަޒަށެވެ. އެތަނަށް ގެންދިޔައިރުވެސް އޭނާ ވަނީ ނިޔާވެފައި ކަމަށް އެތަނުން ވަނީ ހާމަކޮށްފައެވެ.
