ށ އަތޮޅުން ފެށިގެން ތ އަތޮޅަށް ހުދު ސަމާލު ނެރެފިއެވެ.
މެޓް އޮފީހުން ހުދު ސަމާލު ނެރެފައިވަނީ މިއަދު ހަވީރު 16:30 މިރޭ 22:30 އަށެވެ. އެގޮތުން މިވަގުތުގައި ބޯކޮށް ވާރޭވެހޭނެ ކަމަށް ވަނީ ލަފާކޮށްފައެވެ. އަދި ގަޑިއަކު 22 މޭލާ 27 މޭލާ ދެމެދުގެ ބާރު މިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް މެޓުން ލަފާކުރެއެވެ. އެހެންކަމުން ކަނޑު ދަތުރުކުރާ ފަރާތްތަކުން ރައްކާތެރިކަމުގެ ފިޔަވަޅުތައް އަޅައިގެން ދަތުރު ކުރުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ.
މިއަދުވެސް ކަނޑުމަތީގެ ގިނަ ހާދިސާތަކެއް ވަނީ ހިނގާފައެވެ. އެގޮތުން ކާށިދޫ ކަނޑައަށް މީހަކު ވެއްޓިގެން ހޯދަމުން ދަނިކޮށް އެމީހާ ވަނީ ފަތާފައި ގޮސް ކާށިދޫ އަށް އަރާފައެވެ. އަދި އިއްޒުއްދީން ފާލަން ކައިރިން ބޭރުން ތޮށިމަތީގައި މަސް ބާނަން ހުއްޓާ ވަޔާއެކު މޫދަށް ވެއްޓި އުމުރުން 59 އަހަރުގެ މީހަކުވަނީ ނިޔާވެފައެވެ.
