ޒުވާނުންގެ އާބާދީ 56 އިންސައްތަ މީހުން ވަޒީފާނެތި ރާއްޖޭގައި ތިބި ކަމަށް ނޭޝަނަލް ބިއުރޯ އޮފް ސްޓެޓިސްޓިކްސްއިން ހާމަކޮށްފައިވާ ތަފާސްހިސާބުތަކުން ދައްކައިފިއެވެ.
މިއަހަރުގެ ޒުވާނުންގެ ދުވަހާ ގުޅިގެން އާއްމު ކުރި ތަފާސް ހިސާބުތަކަށް ބަލާއިރު ވަޒީފާނެތި ތިބޭ ޒުވާނުންގެ ތެރޭގައި ގިނައީ އަންހެނުންނެވެ. އަދި ރާއްޖޭގެ ޒުވާނުންގެ އާބާދީގެ ދެބައިކުޅައެއްބައި ޒުވާނުންނަކީ ވަޒީފާނެތް އަދި ތައުލީމީ ގޮތުންވެސް ހަރަކާތްތެރި ނޫން މީހުން ކަން މި ތަފާސް ހިސާބުތަކުން ފެންނަން އެބައޮތެވެ.
މިހާރު ރާއްޖޭގެ އާބާދީގެ 45 އިންސައްތަ އަކީ ޒުވާނުންނެވެ. ރާއްޖޭގެ އާބާދީއަށް ބަލާއިރު ޒުވާނުންގެ ތެރެއިން މަތީ ތައުލީމް ހާސިލްކޮށްފައިވަނީ އެންމެ 12 އިންސައްތަ މީހުންނެވެ. އަދި 77 އިންސައްތައަކީ ސާނަވީ އަދި މަތީ ސާނަވީ ޙާސިލުކޮށްފައިވާ މީހުންނެވެ.
ތަފާސް ހިސާބުތަައް ދައްކާގޮތުން އާބާދީގެ ތެރެއިން 41 އިންސައްތަ އަންހެނުން އަދި 15 އިންސައްތަ ފިރިހެނުންނަކީ ވަޒީފާ އަދާ ނުކުރާ އަދި ތަޢުލީމުވެސް ޙާސިލުކުރަމުން ނުދާ މީހުންނެވެ.
