ހަލުވިކަމާއެކު ފެތުރެމުންދާ އިންފްލުއެންޒާ ޖެހި 6 ކުއްޖަކު މިވަގުތުވެސް އައިސީޔޫގައި އެބަތިބި ކަމަށް ކުޑަކުދިންގެ ހާއްސަ ޑޮކްޓަރު އަހުމަދު ފައިސަލް ވިދާޅުވެއްޖެއެވެ.
ޑރ ފައިސަލް ކުރެއްވި ޓުވީޓެއްގައި ވިދާޅުވީ، ހުމާއި ރޯގާ އަދިވެސް މަދުވަމުން ނުދާކަމަށާއި އިންފްލެއެންޒާގެ ނުރައްކާ ވަރަށް ބޮޑު ކަމަށެވެ. މިމަހުގެ 15ގެ ނިޔަލަށް 11000 އަށްވުރެ ގިނަ މީހުން ހުމާއި ރޯގާގެ އަސަރު ހުރެގެން ރިޕޯޓުކޮށްފައިވާތީ ހެލްތް ޕްރޮޓެކްޝަން އެޖެންސީ އެޗްޕީއޭއިންވެސް ވަނީ ރައްކާތެރިވުމަށް އިލްތިމާސް ކޮށްފައެވެ.
މިއަހަރުގެ މިހާތަނަށް އެންމެ ގިނަ ބަޔަކު އިންފްލުއެންޒާ އަށް ޕޮޒިޓިވް މަހުގެ ގޮތުގައި އޮކްޓޫބަރު މަސް ވަނީ ރިކޯޑްކުރެވިފައެވެ.
ޑރ ފައިސަލް ވިދާޅުވީ، މިފަދަ ބަލިމަޑުކަން ހުއްޓުވުމަށް ގެއަށް ރޯގާ ގެނައުން މަދުކުރުމަށް ކުޑަކުދިން އުރާލަން ބައި ހަދާފައި ނުދިއުން މުހިންމު ކަމަށެވެ. މީހުން އެއްވެ އުޅޭ ތަންތަނަށް ނުދިއުމާއެކު ގިނައިން އަތް ދޮވުމަށް ޑރ ފައިސަލް ވަނީ އިލްތިމާސްކޮށްފައެވެ. ޑރ.އަޙްމަދު ފައިސަލް ވިދާޅުވީ މިބަލީގެ ބޮޑުވަރުވާ މީހުންގެ ނިސްބަތް ކުޑަކުދިންނާއި ބޮޑެތި ބަލިތައް ހުންނަ މީހުންގެ މެދުގައި އިތުރުކަމަށެވެ.
