ކުރީގެ ޓުއަރިޒަމް މިނިސްޓަރު އަލީ ވަހީދުގެ މައްސަލައިގެ އަޑުއެހުމެއް ނޮވެމްބަރު 8 ގައި ބާއްވަން ތާވަލްކޮށްފިއެވެ.
އަލީ ވަހީދުގެ މައްޗަށް އުފުލާފައިވަނީ ޖިންސީ ގޯނާގެ ދައުވާތަކެކެވެ. މި ޝަރީއަތް އޮންލައިންކޮށް ކުރިއަށް ގެންދާ މައްސަލައިގަ ޕީޖީ އޮފީހުން ސުޕްރީމް ކޯޓަށް ހުށަހަޅާފައިވާ މައްސަލައިގެ އަޑުއެހުން ތާވަލްކޮށްފައިވަނީ ނޮވެމްބަރު މަހުގެ 8 ވާ ހޯމަދުވަހުގެ 09:00ގައެވެ.
ޕްރޮސެކިއުޓަރ ޖެނެރަލްގެ އޮފީހުން ހުށައެޅި މިމައްސަލައިގައި މިހާތަނަށް ސުޕްރީމް ކޯޓުންވަނީ އަލީ ވަހީދުގެ ޝަރީއަތް ކްރިމިނަލް ކޯޓުގައި އޮންލައިންކޮށް ކުރިއަށް ނުގެންދިޔުމުގެ ވަގުތީ އަމުރަކާއި، ޝަރީއަތަށް ހާޒިރުވާން އަންގައި ޗިޓް ފޮނުވުމުންވެސް އަލީ ވަހީދު ޝަރީއަތުގެ މަޖިލީހަށް ހާޒިރުނުވުމުގެ ސަބަބުން ކޯޓުގެ ހުރުމަތް ކަނޑާލި ކަމަށް ކަނޑައަޅައި 2 މަހަށް ޖަލަށްލާން ހުކުމެއްވެސް ކޮށްފައެވެ.
އިނގިރޭސިވިލާތަށް އަލީ ވަހީދު ވަޑައިގަތީ އޭނާގެ މައްޗަށް ޖިންސީ ގޯނާގެ 7 ދަޢުވާއެއް ކްރިމިނަލް ކޯޓުގައި އުފުލާފައިވަނިކޮށެވެ.
