2022 ވަނަ އަހަރުގެ ބަޖެޓްގައި މުލިއާގެ އަށް 2.4 މިލިއަން ރުފިޔާ އިތުރަށް ހަރަދުކުރާން ހިމެނައިފިއެވެ.
އަންނަ އަހަރަށް ލަފާކުރާ ބަޖެޓް ފިނޭންސް މިނިސްޓަރ އިބްރާހިމް އަމީރު ވަނީ މިއަދު މަޖިލީހަށް ހުށަހަޅާފައެވެ. އެގޮތުން ވަނީ 36.9 ބިލިއަން ރުފިޔާގެ ބަޖެޓެއް ވަނީ ހުށަހަޅާފައެވެ. ފިނޭންސް މިނިސްޓްރީން މިއަދު ރައްޔިތުންގެ މަޖިލީހަށް ހުށަހެޅި ބަޖެޓުގައި ރައީސުލްޖުމްހޫރިއްޔާގެ ރަސްމީ ގެކޮޅަށް ކަނޑައަޅުއްވާފައިވަނީ 27.3 މިލިއަން ރުފިޔާގެ ބަޖެޓެކެވެ. މިއަހަރު މުލިއާގެ އަށް ހަރަދުކުރުމަށް ނިންމާފައިވަނީ 24.9 މިލިއަން ރުފިޔާއެވެ. އެހެންކަމުން އަންނަ އަހަރު މުލިއާގެ އަށް 2.4 މިލިއަން ރުފިޔާ އިތުރަށް ހަރަދުކުރަން ވަނީ ހިމަނައިފައެވެ.
މީގެ އިތުރުންވެސް ރައްޔިތުންގެ މަޖިލީހުގެ ރައީސް ދިރިއުޅުއްވާ ގެކޮޅަށް ހަރަދުކުރުމަށް ހިމަނާފައިވަނީ 6.9 މިލިއަން ރުފިޔާއެވެ.
މިއަހަރުގެ ބަޖެޓުން މަޖިލީހުގެ ރައީސްގެ ގެކޮޅަށް ހަރަދުކުރަން ނިންމާފައިވަނީ 245،000 ރުފިޔާއެވެ. އެހެންކަމުން މަޖިލީހުގެ ރައީސްގެ ގެކޮޅަށް އަންނަ އަހަރު ދައުލަތުގެ ބަޖެޓުން 6.6 މިލިއަން ރުފިޔާ އިތުރަށް ހަރަދުކުރާނެއެވެ.
މަޖިލީހުގެ ރައީސްގެ ގޮކޮޅަކީވެސް މިހާރު ވަކި ގެކޮޅެއް ގޮތުގައި ވަނީ ހަމަޖައްސާފައެވެ. އެއީ މިއަހަރުގެ މެއި މަހުގެ 6 ވަނަ ދުވަހުގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާ އާއި ގުޅިގެން ނިންމާފައިވާ ނިންމުމެކެވެ.
އުއްތަމަ ފަނޑިޔާރުގެ ރަސްމީ ގެކޮޅުގެ އަންނަ އަހަރުގެ ބަޖެޓްގައި ހިމަނާފައިވަނީ 5.4 މިލިއަން ރުފިޔާއެވެ.
