2022 ވަނަ އަހަރަށް ލަފާ ކުރާ ދައުލަތުގެ ބަޖެޓް ދިރާސާކުރުމަށް ރައްޔިތުންގެ މަޖިލީހުން އެކުލަވާލާފައިވާ ކޮމިޓީގެ މުގައްރިރަކަށް ކިނބިދޫ ދާއިރާގެ މެންބަރު މުހައްމަދު ނާޝިޒް ހަމަޖައްސައިފިއެވެ.
އަދި ކޮމިޓީގެ ނައިބު މުގައްރިރަކަށް އަލިފުށި ދާއިރާގެ މެމްބަރު މުހައްމަދު ރަޝީދު ހުސައިން (ބިގޭ) ވަނީ ހަމަޖައްސައިފައެވެ. ބަޖެޓް ދިރާސާ ކުރުމަށް ކޮމިޓީ އެކުލަވާލާފައިވަނީ މާލިއްޔަތު ކޮމިޓީ އާއި އިގްތިސާދީ ކޮމިޓީ އެއްކޮށްލައިގެންނެވެ. އެގޮތުން ނާޝިޒު އަކީ މާލިއްޔަތު ކޮމިޓީގެ މުގައްރިރަށް ވާއިރު ބިގޭ އަކީ އިގްތިސާދީ ކޮމިޓީގެ މުގައްރިރެވެ.
ކިނިބިދޫ ދާއިރާގެ މެމްބަރު ނާޝިޒު އަކީ އެމްޑީޕީއަށް މަޖިލީހުގެ ސުޕަރ މެޖޯރިޓީ ލިބި ނަވާރަ ވަނަ މަޖިލިސް ފެށުނު ފަހުން ބަޖެޓް ކޮމިޓީގެ މުގައްރިރު ކަން ކުރަމުން އަންނަ ހަމައެކަނި މެމްބަރެވެ.
2022 އަހަރަށް ލަފާކޮށް ދައުލަތުގެ ފަރާތުން ފިނޭންސް މިނިސްޓަރ ބަޖެޓް ހުށަހެޅުއްވީ އިއްޔެއެވެ. އެގޮތުން ވަނީ 36.9 ބިލިއަން ރުފިޔާގެ ބަޖެޓެއް ހުށަހަޅުއްވާފައެވެ.
