ޖިންސީ ގޯނާކޮށްގެން އައްޑޫން ހައްޔަރު ކުރި ޕޮލިސް މީހާ އަށް ދައުވާކޮށްފިއެވެ.
ޕީޖީ އޮފީހުން ބުނީ 2020 ވަނަ އަހަރުގެ ކުރީކޮޅުން ފެށިގެން އެކި ދުވަސްމަތިން އިތުރުބާރުކުރެވޭ މަގާމެއްގައި ހުރެ އުމުރުން 18 އަހަރު ނުފުރޭ ކުއްޖަކަށް ބިރުދައްކައިގެން އެކުއްޖާގެ އޮރިޔާން މަންޒަރު ދައްކުވައިދޭ ފޮޓޯ ނެގުމަށްފަހު އެފޮޓޯ ބޭނުންކޮށްގެން ބްލެކްމެއިލްކޮށް އެ ކުއްޖާއަށް ޖިންސީ ގޯނާ ކޮށްފައިވާ މައްސަލައިގައި، ޏ.ފުވައްމުލައް، މާދަޑު، އޮމާން، އަޙްމަދު ނަޒުމީނުގެ މައްޗަށް ދައުވާ ކުރަން ފޮނުވާފައިވާ ކަމަށެވެ.
އެގޮތުން ކުޑަކުދިންނަށް ޖިންސީ ގޯނާކުރާ މީހުންނާމެދު ހާއްސަ އުސޫލުތަކަކަށް އަމަލުކުރުމުގެ ގާނޫނުގެ 9 ވަނަ މާއްދާގެ (ހ) އާ ޙަވާލާދީ، އެ މާއްދާގެ (ށ) ގެ ދަށުން، ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރި މީހަކު، އެ ކުޑަކުއްޖާއާއެކު ޖިންސީ އަމަލެއް ހިންގުމުގެ ކުށުގެ ދައުވާ ކުރުމަށް 08 ނޮވެންބަރު 2021 ދުވަހު ސ. ހިތަދޫ މެޖިސްޓްރޭޓް ކޯޓަށް ހުށަހަޅައިފައިވާ ކަމަށް ޕީޖީ އޮފީހުން ވަނީ ހާމަކޮށްފައެވެ.
މި މައްސަލާގައި ތުހުމަތުކުރެވޭ މީހާއަކީ ކުށުގެ އަމަލު ހިންގިއިރު ދިވެހި ފުލުހުންގެ ހިދުމަތުގެ ވަޒީފާގައި ހުރި މީހެއް ކަމަށްވެސް އެ އޮފީހުން ވަނީ ހާމަކޮށްފައެވެ.
