ރާއްޖޭގެ ރަށްތަކުގައި ކޮވިޑް ފެތުރެން ފެށި މިއަދުގެ މިހާތަަނަށްވެސް ހަތް ރަށެއް ބަންދުކޮށްފައިވާ ކަމަށް އެޗްޕީއޭއިން ހާމަކޮށްފިއެވެ.
އެގޮތުން މިވަގުތު މުޅި ރާއްޖެއިން 30 ރަށަކަށް ވަނީ އަރައިފޭބުން މަނާކޮށް މޮނިޓަރިންގެ ހާލަތަށް ގެނެސްފައެވެ. މިއަދު އަރައިފޭބުން މަނާކޮށްފައިވަނީ ދ.މާއެނބޫދޫ، ފ.ބިލަތްދޫ، ރ.އަލިފުށި، ގއ.މާމެންދޫ، ނ.ކުޑަފަރި، ގދ.ފަރެސްމާތޮޑާ އަދި ނ.ވެލިދޫ އެވެ.
މޮނިޓަރިންގެ ހާލަތުގައި އެންމެ ގިނަ ދުވަސްތަކެއް ވަންދެން އޮތް އައްޑޫ ސިޓީއިން އިއްޔެ އެކަނިވެސް ވަނީ ކޮވިޑް ޕޮޒިޓިވް 51 ކޭސް ފެނިފައެވެ. އައްޑޫ ސިޓީން ކޮވިޑް ފެނި މޮނިޓަރިން އަށް ލާފައިވަނީ އޮގަސްޓް މަހުގެ 28 ވަނަ ދުވަހުއެވެ.
މިހާތަނަށް މުޅި ރާއްޖެއިން ވަނީ 89،713 މީހުން ކޮވިޑަށް ޕޮޒިޓިވްވެފައެވެ. އިއްޔެ އެކަނިވެސް އަތޮޅު ތެރެއިން 141 މީހުން ވަނީ ކޮވިޑަށް ޕޮޒިޓިވްވެފައެވެ. މިހާތަނަށް ރާއްޖެއިން 247 މީހުން ވަނީ މިބަލީގައި ނިޔާވެފައެވެ. މީގެ ތެރޭގައި އައްޑޫ ސިޓީން ކޮވިޑް ޖެހިގެން ނިޔާވި 10 މީހުންވެސް ހިމެނެއެވެ.
