އިމިގްރޭޝަން ކޮންޓްރޯލަރ މުހައްމަދު ހަނަފީގެ ސައިކަލަށް ގެއްލުންދީފިއެވެ.
ހަނަފީ ކުރެއްވި ޓުވީޓެއްގައި ވިދާޅުވީ، ކޮންމެ މީހަކީވެސް ހަގީގަތާ ކުރިމަތިލާނެ ހިތްވަރު ހުރި މީހަކަށް ވާންޖެހޭ ކަމަށާއި ހަސަދަވެރިވެކަން އިސްކޮށް، މުދަލަށް ގެއްލުންދޭ ހިސާބަށް ދިއުމަކީ ވަރަށް ދަށުދަރަޖައިގެ އަމަލެއް ކަމަށެވެ.
އަދި އޭނާގެ ޕްރޮފެޝަނަލް ހަޔާތުގައި ނަގާ ކޮންމެ ފިޔަވަޅެއްވެސް ނަގާނީ މުވައްސަސާއާއި ގައުމަށް އެންމެ ފައިދާވާގޮތަށް ކަމަށް ހަނަފީ ވިދާޅުވިއެވެ. އެހެންކަމުން އަމިއްލަ ފައިދާއާއި މާއްދިއްޔަތު އިސްކުރާމީހަކަށް ހަމަގައިމުވެސް އޭނާ ނުވާނެ ކަމަށް ހަނަފީގެ ޓުވީޓުގައި ވިދާޅުވެފައިވެއެވެ.
އެކި ދުވަސްވަރު ސިޔާސީ އެކި ކަންކަމުގައި އުޅުއްވާ ބޭފުޅުންގެ ސައިކަލާއި ކާރަށް ގެއްލުން ދިނުމަކީ މަދުން ނަމަވެސް މިހާރު ހިނގަމުން އަންނަ ކަންކަމެވެ. އަދި ގެއްލުންދޭ ފަރާތްތައް ކަމާބެހޭ އިދާރާތަކަށް ހޯދިފައިވަނީ މަދު ފަހަރެއްގައި ކަން ވެސް ފާހަގަކުރެވެއެވެ.
