ރާއްޖެއިން މިއަދު ކޮވިޑް19 އަށް ޕޮޒިޓިވްވީ 149 މީހުން ކަމަށް ހެލްތް ޕްރޮޓެކްޝަން އެޖެންސީން ހާމަކޮށްފިއެވެ.
ތަފާސް ހިސާބުތައް ދައްކާގޮތުން މިއަދުވެސް އެންމެ ގިނަ ބަޔަކު ޕޮޒިޓިވްވީ އަތޮޅު ތެރެއިންނެވެ. އެގޮތުން 111 މީހުން މިއަދުވެސް ވަނީ ޕޮޒިޓިވްވެފައެވެ. މާލެ ސަރަހައްދުން މިއަދު ޕޮޒިޓިވްވީ 18 މީހުންނެވެ. ރިސޯޓްތަކުންވެސް މިއަދު ވަނީ 20 މީހުން ޕޮޒިޓިވްވެފައެވެ.
ރާއްޖެއިން މިހާތަނަށް ކޮވިޑަށް ޕޮޒިޓިވްވި ޖުމުލަ އަދަދަކީ 90،266 މީހުންނެވެ. މިއަދުވެސް ވަނީ މިބަލީ މީހަކު ނިޔާވެފައެވެ. އެގޮތުން މިހާތަނަށް ކޮވިޑް ބަލީގައި ރާއްޖެއިން ވަނީ 248 މީހުން ނިޔާވެފައެވެ. މިވަގުތު ކޮވިޑަށް ފަރުވާ ކުރަމުން ދަނީ 2،150 މީޙުންނެވެ.
އައްޑޫ ސިޓީން މިއަދުވެސް ވަނީ 17 މީޙުން އަލަށް ޕޮޒިޓިވްވެފައެވެ. މިހާތަނަށް އައްޑޫ ސިޓީން ވަނީ 2536 މީހުން ޕޮޒިޓިވްވެފައެވެ. އެންމެ ގިނަ ބަޔަކު މިވަތު ޕޮޒިޓިވްވެފައިވަނީ އައްޑޫ ސިޓީގެ ހިތަދޫއިން ނެވެ. އެގޮތުން އެ ރަށުން ވަނީ 203 މީހުން މިހާތަނަށް ޕޮޒިޓިވްވެފައެވެ.
