ހދ ކުޅުދުއްފުށީ ރީޖަނަލް ހޮސްޕިޓަލްގެ އައު އޯޕީޑީ އިމާރާތް ހެދުމަށް ބަޔާކައި ހަވާލުކޮށްފިއެވެ.
މިއަދު ހެލްތް މިނިސްޓްރީގައި އޮތް ރަސްމިއްޔާތެއްގައި މިނިސްޓްރީ އޮފް ހެލްތްގެ ފަރާތުން އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރ އަހުމަދު އާދިލްއެވެ. މި ޕްރޮޖެކްޓްގެ ކޮންޓްރެކްޓަރަކަށް ހަމަޖައްސާފައިވަނީ މޯލްޑިވްސް ކޮންޓްރެކްޓިން ކޮމްޕެނީ ޕަބްލިކް ލިމިޓެޑާއެވެ.
މި ޕްރޮޖެކްޓްގެ ޖުމުލަ އަގަކީ ވިހި މިލިއަން ދެ ލައްކަ ބާވީސްހާސް ނުވަދިޔަ ހަތްރުފިޔާ އަށްރަ ލާރި ކަމަށް ހެލްތް މިނިސްޓްރީން ހާމަކުރެއެވެ. 180 ދުވަހުގެ ތެރޭގައި މި މަސައްކަތް ނިންމަންޖެހޭއިރު މި ޕްރޮޖެކްޓްގައި ހިމެނެނީ 21 ކޮންސަލްޓޭޝަން ރޫމާއި އައި ކާޑިއެކް ސެންޓަރަކާއި ރިސެޕްޝަން އޭރިއާއެއްގެ އިތުރުން ވެއިޓިން އޭރިއާއެކެވެ.
ކުޅުދުއްފުށީ ރީޖަނަލް ހޮސްޕިޓަލަކީ އަބަދުވެސް އެކި ސަރަހައްދުތަކުން މީހުން ޑޮކްޓަރަށް ދެއްކުމަށާއި ވިހެމަށް ޒިޔާރަތް ކުރާ ހޮސްޕިޓަލެކެވެ. އެހެންކަމުން ޑޮކްޓަރަށް ދެއްކުމުގެ ފަސޭހަ ނިޒާމެއް ގާއިމުވެފައި އޮތުމުން ގިނަ ބަޔަކަށް މިކަމުގެ ފައިދާ ކުރާނެއެވެ.
