ލ ގަން ރީޖަނަލް ހޮސްޕިޓަލުން ސިޒޭރިއަން ހެދި މީހަކު ނިޔާވެއްޖެއެވެ.
މައުލޫމާތުލިބިފައިވާ ގޮތުގައި ސިޒޭރިއަން ހެދުމުގެ ތެރޭގައި ނިޔާވެފައިވަނީ ލ އަތޮޅު ހިތަދޫ އަންހެނެކެވެ. މިމީހާއަކީ 41 އަހަރުގެ މީހެކެވެ. މިއަންހެން މީހާ ބަނޑުގައި ރިއްސާތީ ގެންގޮސްފައިވަނީ އިއްޔެ ހެނދުނެވެ.
މި އަންހެން މީހާ ހޮސްޕިޓަލަށް ގެންދިޔަ އިރުވެސް މީގެ ކުރިން ސިޒޭރިއަން ހަދާފައިވާ ލަކުނު ފަޅައިގެން ގޮސް ލޭ ފައިބަމުން ދިޔައީ ކަމަށާއި އެހެންވެ ދަރިފުޅު ނަގާފައި ފަރުވާ ދެމުން ދަނިކޮށް ނިޔާވީ ކަމަށް ހޮސްޕިޓަލުން ވަނީ މައުލޫމާތުދީފައެވެ.
ރޭގެ ވަގުތެއްގައި ސިޒޭރިއަން ހަދާ ދަރިފުޅު ނެގިއިރު އެމީހާގެ ބަނޑަށް 33 ހަފުތާއެވެ. އަންހެން މީހާ ނިޔާވި އިރު ސިޒޭރިއަން ހެދި ދަރިފުޅާއެކު މި އަންހެން މީހާގެ 9 ކުދިން އެބަތިއްބެވެ.
+1
+1
+1
+1
+1
+1
