ކަމެއް ބޮޑުވާ ހާލަތުގައި އިންޑިއާ އޮންނަނީ އަބަދުވެސް ރާއްޖެއަށް އެހީތެރިވާން ތައްޔާރަށް ކަމަށް ދިއްގަރު ދާއިރާގެ މެމްބަރު އިކުރާމް ހަސަން ވިދާޅުވެއްޖެއެވެ.
މަޖިލީހުގެ މިއަދުގެ ޖަލްސާގައި ވާހަކަފުޅު ދައްކަވަމުން އިކުރާމް ވިދާޅުވީ، ސިޔާސީ މަގުސަދަކަށްޓަކައި ރާއްޖެ އާއި އިންޑިއާ ޖައްސަން ކުރާ މަސައްކަތް ކުށްވެރި ކުރާ ކަމަށާއި ޕްރޮފެޝަނަލް ޕޮލިޓީޝަނުންނަށްވެ އިދިކޮޅު ފަރާތްތަކުން ހެޔޮ ވިސްނަން ވެއްޖެ ކަމަށެވެ.
އަންނަ އަހަރަށް ލަފާކުރާ ދައުލަތުގެ ބަޖެޓު، ބަޖެޓު ދިރާސާކުރާ ކޮމިޓީން ދިރާސާކޮށް ނިންމިގޮތުގެ ރިޕޯޓުގެ ބަހުސްގައި ވާހަކަ ދައްކަވަމުން މެމްބަރު އިކްރާމް ވިދާޅުވީ އިންޑިއާ އައުޓް ގޮވަމުންދާއިރު އެ ގައުމަކީ އެތައް ގޮތަކުން ރާއްޖެއަށް އެހީތެރިކަން ފޯރުކޮށްދެމުންދާ ގައުމެއް ކަމަށެވެ. މާލީ ގޮތުންނާއި މިނޫންވެސް ގިނަ އެހީތަކެއް އިންޑިއާއިން ވަނީ މިއަދާ ހަމައަށްވެސް ރާއްޖެއަށް ފޯރުކޮށްދީފައިވާ ކަމަށާއި ރާއްޖޭގެ މުޅި ސަރަހައްދު ބަލަހައްޓަންވެސް އިންޑިއާއިން އެތައް ފައިސާތަކެއް މިހާރުވެސް ހަރަދުކުރަމުންދާ ކަމަށް ވިދާޅުވިއެވެ.
އިކްރާމް ވިދާޅުވީ، ރައްޔިތުން އެއްވެސް ކަމެއް އޮޅުވާނުލާ އިދިކޮޅު ފަރާތްތަކުގެ ހަރަކާތްތައްވެސް ހިންގަންޖެހޭ ކަމަށާއި އެއީ އެންމެ ޕްރޮފެޝަނަލް ގޮތް ކަމަށެވެ.
އިދިކޮޅު ފަރާތްތަކުން ދަނީ ފަހަކަށް އިންޑިއާ އައުޓުގެ ނަމުގައި ހިންގާ ހަރަކާތްތައް ފުޅާކޮށް ގިނަ ބަޔަކު ބައިވެރިކޮށް ހިނގާލުންތައްވެސް ކޮންމެ ހަފުތާ ބަންދަކު ބާއްވަމުންނެވެ.
