ޕާސްޕޯޓް ހިދުމަތަށް 24 ގަޑިއިރު އެދެވޭ ގޮތަށް އަނެއްކާވެސް މޯލްޑިވްސް އިމިގްރޭޝަންއިން ހަދައިފިއެވެ.
އިމިގްރޭޝަނުން ކުރި ޓުވީޓެއްގައި ބުނީ އޮންލައިން ޕޯޓަލް "އިމުގަ" މެދުވެރިކޮށް ޕާސްޕޯޓް ހެދުމުގެ ހިދުމަތް 24 ގަޑިއިރު ލިބޭނެކަމަށެވެ. އަދި މީގެ މަހެއްހާ ދުވަސް ކުރިން ޕޯޓަލްގެ ފެންވަރު ރަނގަޅު ކުރުމަށްޓަކައި ޕާސްޕޯޓަށް އެދުމުގެ ވަގުތުތަކަށް ވަނީ ބަދަލުތަކެއް ގެނެސްފައެވެ.
އިމިގްރޭޝަނުން ބުނީ ޕޯޓަލްގެ ފެންވަރު ރަނގަޅުކުރުމަށް ކުރި މަސައްކަތް މިހާރު ނިންމާލާފައިވާކަމަށެވެ. އަދި މިއަދުން ފެށިގެން ކޮންމެ ދުވަހަކު 24 ގަޑިއިރު ޕާސްޕޯޓަށް އެދި ހުށަހެޅޭނެ ކަމަށް އިމިގްރޭޝަނުން ހާމަކުރެއެވެ. ޕާސްޕޯޓް ހެއްދުމުގެ ކަންކަން ކުރިއަށް ގެންދާނީ ފޯމް ހުށަހަޅާ ތަރުތީބުން ކަމަށާއި ފައިސާ ދެއްކުންވެސް އޮންލައިންކޮށް ކުރިއަށްގެންދެވޭނެކަމަށް އިމިގްރޭޝަނުން ބުނެއެވެ.
