އަންނަ އަހަރަށް 36.99 ބިލިއަން ރުފިޔާގެ ބަޖެޓެއް ރައްޔިތުންގެ މަޖިލީހުން ފާސްކޮށްފިއެވެ.
މިއަދު ބަޖެޓް ފާސްކޮށްފައި މިވަނީ ފިނޭންސް މިނިސްޓަރ އިބްރާހިމް އަމީރު ހުށަހެޅުއްވި ބަޖެޓަށް 73.8 މިލިއަން ރުފިޔާ އިތުރުކޮށެވެ. މިއީ މިދިޔަ ބުރާސްފަތި ދުވަހު ބަޖެޓު ކޮމިޓީން ނިންމި ނިންމުމެކެވެ. ފިނޭންސް މިނިސްޓަރ ހުށަހެޅުއްވީ 36.92 ބިލިއަން ރުފިޔާގެ ބަޖެޓެކެވެ.
އަންނަ އަހަރަށް ލަފާކޮށް ދައުލަތުން ހުށަހެޅި ބަޖެޓް ފާސްކުރީ 64 މެމްބަރުންގެ ވޯޓާ އެކު އެވެ. ބަޖެޓް ފާސްކުރުމާ ދެކޮޅަށް އަށް މެންބަރަކު ވޯޓު ދެއްވާފައިވެއެވެ. މިއަދު ބަޖެޓް ފާސްކޮށްފައިވަނީ ރައްޔިތުންގެ މަޖިލީހުގެ އިދާރާއަށް 7 މިލިއަން ރުފިޔާ އަދި އޭސީސީ އަށް 3.9 މިލިއަން ރުފިޔާ، އިންތިގާލީ އިންސާފުގެ އޮމްބަޑްސްމަން އޮފީހަށް 2.2 މިލިއަން ރުފިޔާ، ސިވިލް ސާވިސް ކޮމިޝަނަށް 1.69 މިލިއަން ރުފިޔާ އިތުރު ކުރުމަށް ފަހުއެވެ.
މީގެ އިތުރުންވެސް ވަނީ ފެމިލީ ޕްރޮޓެކްޝަން އޮތޯރިޓީއަށް 865،636 ރުފިޔާ އަދި ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް ފަސް ލައްކަ ރުފިޔާ ވަނީ އިތުރުކޮށްފައެވެ.
