ބޫސްޓަރ ޑޯޒް ވެކްސިން އަށް އެޕޮއިންޓްމަންޓް ދޫކުރަން އޭޑީކޭއިން ފަށައިފިއެވެ.
ހެލްތް ޕްރޮޓެކްޝަން އެޖެންސީން އިން ބުނީ ކިއުބީ މެދުވެރިކޮށް ފައިޒާ ބޫސްޓާ ޑޯޒަށް ކަނޑައެޅިފައިވާ އަދަދަކަށް އޭޑީކޭއިން ޓޯކަން ދޫކުރާނެ ކަމަށެވެ. އަދި އެއްވެސް އެޕޮއިންޓްމަންޓަކާއި ނުލާ ގޮސް ވެކްސިން ޖަހައިދިނުމެއް ނޯންނާނެ ކަމަށް އެޗްޕީއޭއިން ހާމަކުރެއެވެ. ރާއްޖޭގައި މިހާރު ބޫސްޓަރ ޑޯޒް ޖެހުމުގެ ފުރުސަތު ހުޅުވާލާފައިވަނީ އުމުރުން 50 އަހަރުން މަތީގެ މީހުންނަށެވެ.
ސަރުކާރުން ހާމަކޮށްފައިވާ ގޮތުގައި މި ހަފުތާ ތެރޭގައި ސިއްހީ ދާއިރާ އާއި، ޓޫރިޒަމް އަދި އެއާޕޯޓް ފްރޮންޓްލައިން ސްޓާފުންނަށް ބޫސްޓާ ޝޮޓްތައް ފަށާނެ ކަމަށެވެ. އަދި އާންމު ރައްޔިތުންނަށް ހާއްސަކޮށްގެން ބޫސްޓަ ޕްރޮގްރާމް ފަށާނީ ޑިސެމްބަރު މަހުގެ މެދުތެރޭގައި ކަމަށް ވެސް ސަރުކާރުން ބުނެފައިވެއެވެ. ރާއްޖޭގައި 9000 އަށްވުރެ ގިނަ މީހުން މިހާރު ވަނީ ބޫސްޓަ ޑޯޒް ޖަހާފަ އެވެ.
