އަތޮޅުތެރެއަށް ބޭނުންވާ އިތުރު 20 އެމްބިއުލާންސް ރާއްޖެ ގެނެސްފިއެވެ.
އަތޮޅުތެރޭގައި ބޭނުންކުރުމަށް އެސް.ޓީ.އޯ މެދުވެރިކޮށް ގެނެވިފައިވާ 20 އެމްބިއުލަންސްގެ ދެވަނަ ޝިޕްމަންޓް، ކަސްޓަމްސް އިން މިއަދު ކްލިއަރކޮށް އިދާރީގޮތުން ފުރިހަމަކުރަންޖެހޭ ކަންކަން ފުރިހަމަކުރުމަށްފަހު އަތޮޅުތެރެއަށް ފޮނުވުމުގެ މަސައްކަތް ކުރަމުންދާ ކަމަށް ހެލްތް މިނިސްޓްރީން ހާމަކުރެއެވެ.
މީގެ ކުރިން ރާއްޖެއަށް ގެނައި ވިހި އެމްބިއުލާންސް ފޮނުވާފައިވަނީ ހއ އުލިގަމު، ހއ ފިއްލަދޫ، ހދ މަކުނުދޫ، ހދ ނޮޅިވަރަމް، ށ ފޯކައިދޫ، ނ މިލަންދޫ، ނ ހެނބަދޫ، ރ އިނގުރައިދޫ، ޅ ކުރެންދޫ، ބ ތުޅާދޫ، ކ ހުރާ، އދ ދަނގެތި، ފ ބިލެއްދޫ، ތ މަޑިފުށި، ލ މާމެންދޫ، ގއ ގެމަނަފުށި، ށ މަރޮށި، ތ ގާދިއްފުށި، ބ ކުޑަރިކިލު އަދި އއ ތޮއްޑޫ އަށެވެ.
ރައީސް އޮފީހުގެ ތަރުޖަމާން މުހައްމަދު މަބްރޫކު އަޒީޒު މީގެ ކުރިން މީޑިއާތަކަށް ވިދާޅުވެފައިވާ ގޮތުގައި، މިއަހަރު ނިމުމުގެ ކުރިން 60 އެމްބިއުލާންސް ގެނައުމަކީ ސަރުކާރުގެ އަމާޒެވެ.
