މިއަދު ރާއްޖެއިން ކޮވިޑަށް ޕޮޒިޓިވްވީ 79 މީހުން ކަމަށް އެޗްޕީއޭއިން ހާމަކޮށްފިއެވެ.
ތަފާސް ހިސާބުތަކުން ދައްކާގޮތުގައި މިއަދު އަތޮޅު ތެެރެއިން ޕޮޒިޓިވްވެފައިވަނީ 52 މީހުންނެވެ. މާލެ ސަރަަހައްދުން 25 މީހުން ކޮވިޑަށް ޕޮޒިޓިވްވި އިރު ރިސޯޓްތަކުން ނިމިދިޔަ ސައުވީސް ގަޑި އިރުގެ ތެރޭގައި ޕޮޒިޓިވްވީ 02 މީޙުންނެވެ.
މިހާތަނަށް ރާއްޖެއިން މި ބައްޔަށް ޕޮޒިޓިވްވީ މީހުންގެ އަދަދު ވަނީ 91،543 އަށް އަރާފައެވެ. މިވަގުތު މިބަލިޖެހިފައިވާ 1،733 މީހުން ރާއްޖޭގައި އެބަތިއްބެވެ. މިވަގުތު ހޮސްޕިޓަލްތަކުގައި އެޑްމިޓްކޮށްގެން ފަރުވާ ދެމުންދަނީ 12 މީހުންނަށެވެ. މިހާތަނަށް 89،547 މީހުން ވަނީ ރާއްޖެއިން މިބަލި ޖެހުމަށްފަހު ފަސޭވެފައެވެ.
މިހާރު ރާއްޖެއިން މިބަލީގައި ނިޔާވި މީހުންގެ އަދަދު ވަނީ 250 އަށް އަރާފައެވެ. މިއަދު އެކަނިވެސް މިބަލީގައި ދެމީހުން ނިޔާވެފައެވެ. އެގޮތުން ނ އަތޮޅު ހޮސްޕިޓަލުގައި އެޑްމިޓްކޮށްފައި އޮތް 54 އަހަރުގެ އަންހެނަކާއި ހުޅުމާލެ މެޑިކަލް ފެސިލިޓީގައި އެޑްމިޓްކޮށްފައި އޮތް 90 އަހަރުގެ ފިރިހެނެއްވެސް ވަނީ ނިޔާވެފައެވެ.
