ކޮވިޑް19 ދިފާއު ވެކްސިންގެ ބޫސްޓަރ ޑޯޒް ޖެހި މީހުންގެ އަދަދު 10 ހާހުން މައްޗަށް އަރައިފިއެވެ.
އެޗްޕީއޭއިން ބުނީ މިހާތަނަށް 10،331 މީހުން ބޫސްޓަރ ޑޯޒް ޖަހާފައިވާ މީހުންނަށެވެ. ރާއްޖޭގައި މިހާރު ބޫސްޓަރ ޑޯޒް ޖެހުމުގެ ފުރުސަތު ހުޅުވާލާފައިވަނީ 50 އަހަރުން މަތީގެ މީހުނަށެވެ.
ބޫސްޓަރ ޑޯޒް ވެކްސިން އަށް އެޕޮއިންޓްމަންޓް ދޫކުރަން އޭޑީކޭއިން ވަނީ މިހާރު ފަށައިފައެވެ. އެގޮތުން ކޮންމެ ދުވަހަކު މެންދުރު ފަހު ތިނަކުން ފަހަކަށް ވެކްސިން ޖެހުން އޭޑީކޭއިން ކުރިއަށް ގެންދެއެވެ.
ހުޅުމާލެ ހޮސްޕިޓަލުންވެސް ޕައިޒަރ ވެކްސިންއަށް އެޕޮއިންޓްސްމަންޓްސް ދޫކުރާ އިރު ބޫސްޓަރ ޑޯޒް ޖަހައިދެނީ މެންދުރުފަހު އެކަކުން ތިނަކަށެވެ. އައިޖީއެމްއެޗުން ކޮންމެ އަންގާރަ ބުދަ އަދި ބުރާސްފަތި ދުވަހު ވެކްސިން ޖަހައިދެނީ ހެނދުނު 10 އަކުން މެންދުރު ފަހު ދެއަކަށެވެ.
ދަމަނަވެށިންވެސް ވެކްސިން ޖަހައިދެނީ އެޕްއިންޓްމަންޓަށެވެ. ދަމަނަވެށިންވެސް ވެކްސިން ޖެހުން ކުރިއަށް ގެންދަނީ މެންދުރު ފަހު އެކަކުން ތިނަކަށެވެ.
