ހުޅުމާލެ ފުރަތަމަ ފިޔަވަހީގެ ގޭބިސީތަކުން ކުނި ނަގާ ވަގުތަށް ބަދަލު ގެނެސްފިއެވެ.
ވެމްކޯއިން ބުނީ ހުޅުމާލޭގައި ގިނަ އަދަދެއްގެ ރައްޔިތުން އާބާދުވަމުންދާ މި ދަނޑިވަޅުގައި އެ ކޯޕަރޭޝަން ހިދުމަތްތައް އިތުރަށް ބައްޓަން ކުރުމަށާއި މަސައްކަތްތައް ރުކުރުވާލުމަށްޓަކައި ހުޅުމާލެ ފުރަތަމަ ފިޔަވަހީގެ ގޭބިސީތަކުން ކުނި ނަގާ ވަގުތު ބަދަލު ކުރުމަށް ނިންމާފައިވާ ކަމަށެވެ.
އެގޮތުން މިއަދުން ފެށިގެން ހުޅުމާލެ ގޭބިސީތަކުން ހިދުމަތް ދިނުމަށް ހަމަޖެހިފައިވަނީ ކޮންމެ ދުވަހެއްގެ ހަވީރު 18:00 ރޭނގަޑު 23:00 އަށް ދެމެދުގައި ކަމަށެވެ.
އަދި ހަވީރު 17:00 ފެށިގެން ތައްޔާރުކޮށްފައިވާ ކުނި ކޮތަޅު ނެގޭނެ ފަދަ އިންތިޒާމެއް ހަމަޖެއްސުމަށް ކަސްޓަމަރުންނަށް ވެމްކޯއިން ވަނީ އިލްތިމާސް ކޮށްފައެވެ. ފުރަމާލެ ސަރަހައްދުގެ ގޭބިސީތަކުން ކުނި އުކާލުމުގެ ހިދުމަތްތަކަށް 15 ސެޕްޓެމްބަރުން ފެށިގެން ބޮޑެތި ބަދަލުތަކެއް ވަނީ ގެނެސްފައެވެ.
