ހުޅުމާލެ ދެވަނަ ފިޔަވަހީގައި އިމާރާތް ކުރުމަށް ހަމަޖެހިފައިވާ 2 ވަނަ ވަގުތީ މިސްކިތް އިމާރާތްކުރުމުގެ އެއްބަސްވުމުގައި ސޮއިކޮށްފިއެވެ.
އިސްލާމިކް މިނިސްޓްރީން ބުނީ މިމަސައްކަތް ހަވާލުކުރީ 35 ދުވަހުގެ ތެރޭގައި ނިންމުމަށް ކަމަށެވެ. މިއަދު މި މިސްކިތް ހެދުމަށް ހަވާލުކޮށްފައިވަނީ ޔެސް މޯލްޑިވްސް ޕްރައިވެޓް ލިމިޓެޑާއެވެ. 600 މީހުންގެ ޖައިގައިގެ މި މިސްކިތް ހަވާލުކުރީ 3.1 މިލިއަން ރުފިޔާ އަށެވެ.
ހުޅުމާލެ ދެވަނަ ފިޔަވަހީގައި އިމާރާތް ކުރި ފުރަތަމަ މިސްކިތް "މަސްޖިދް ޢަމީލް ޖަލީލް" ހުޅުވައިފައިވަނީ އޮކުޓޫބަރު 29 ވަނަ ދުވަހުއެވެ.
ދެ ފަންގިފިލާއަށް ހަދާފައިވާ، 480 މީހުންގެ ޖާގައިގެ މިސްކިތެކެވެ. މި މިސްކިތުގެ ގޯތި ތެރެއާއެކު 700 މީހުންނަށް އެއްފަހަރާ ނަމާދު ކުރެވޭނެއެވެ.
ހުޅުމާލެ ދެވަނަ ފިޔަވަހީގައި ދޫކޮށްފައިވާ ގޯތިތަކާ ކައިރީގައި ހުންނަ މިސްކިތުގައި ފިރިހެނުންނަށް ނަމާދު ކުރަން ހާއްސަ ބަޔަކާއި އަންހެނުންނަށް ނަމާދު ކުރަން ހާއްސަ ބައެއް ހަދާފައިވެއެވެ.
