ނައިފަރު ދާއިރާގެ މެމްބަރު ޓުއަރިޒަމް މިނިސްޓަރ ޑރ އަބްދުﷲ މައުސޫމަށް ވަރުގަދަ ރައްދެއް ދެއްވައިފިއެވެ.
މިނިސްޓަރ މައުސޫމް ކުރެއްވި ޓުވީޓެއްގައި ވިދާޅުވީ، ކޮރަޕްޓުފުޅު ފަރާތްތަކަށް ގަބީލާގަބީލާގެ ބޮޑުން ގުލްދަސްތާ ވެދުންކުރާނަމަ އެގައުމެއްގާ ކޮރަޕްޝަނަކީ އާދަކާދައަކަށްވެ، ގައުމުގެ މުއްސަނދިކަން ބަންޑާރަތިޖޫރިންބީވެ، ގައުމު ދަރަނިވެރިވެ، ރައްޔިތުން ބޮޑުތަނުން ފަގީރުވެ އަޅުވެތިވާނެ ކަމަށެވެ. އަދި ސިޔާސީބެރަށް ނެށުމުގެ ކުރިން ފިކުރުކޮށްލުމަށް މައުސޫމު ވަނީ އިލްތިމާސް ކުރައްވާފައެވެ.
މައުސޫމްގެ މި ޓުވީޓާ ގުޅިގެން ޝިޔާމް ވިދާޅުވީ މުއްސަނދިކަމަކީ ބަންޑާރަ ތިޖޫރީގައި ހުންނަންޖެހޭ އެއްޗެއްކަމެއް ނުދެނަހުރި ކަމަށެވެ. އަދި ކީހާ ޅެން ކޮބާތޯ ޝިޔާމް ވަނީ މައުސޫމާ ސުވާލު ކުރައްވާފައެވެ.
މީގެ އިތުރުން ރައްޔިތުންގެ ޖީބަށް ޕައުންޑު ވައްދާ ނިމުނީތޯ އާއި ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ގަބީލާ ތަކުން ގުލްދަސްތާ އަރުވާވަރުގެ ވެރިއަކަށް ނުވާތީ އެފަދަ މަންޒަރެއް ނުފެންނަނީ ކަމަށާއި އެހެންވެ ހިތްޕުޅަށް ތަދުވާނެކަން އެނގޭ ކަމަށް ޝިޔާމް ވިދާޅުވެފައިވެއެވެ.
