ގއ އަތޮޅުން ގދ އަތޮޅަށް ރީނދޫ ސަމާލު ނެރެފި

ގއ އަތޮޅުން ގދ އަތޮޅަށް ރީނދޫ ސަމާލު ނެރެފިއެވެ.

މޯލްޑިވްސް މީޓިއޮރޮލިޖިކަލް ސާރވިސް އިން ރީނދޫ ސަމާލު ނެރެފައިވަނީ މިއަދު 11:30 ފެށިގެން މެންދުރު 14:00 ހަމައަށެވެ. އެގޮތުން މިވަގުތުގައި ބޯކޮށް ވާރޭވެހުމާއެކު ގުގުރުން އަދި ގަޑިއަކު 40 މޭލަށް ވައިގަދަވާނެ ކަމަށް ވަނީ ލަފާކޮށްފައެވެ.

މީގެ އިތުރުންވެސް ލ އަތޮޅުން ފެށިގެން އައްޑޫ ސިޓީއަށް ވަނީ 14:00 ޖެހުމާ ހަމައަށް ހުދު ސަމާލު ނެރެފައެވެ. އެގޮތުން އެގޮތުން މިވަގުތުގައި ބޯކޮށް ވާރޭވެހުމާއެކު ގުގުރުން އަދި ގަޑިއަކު 40 މޭލަށް ވައިގަދަވާނެ ކަމަށް ވަނީ ލަފާކޮށްފައެވެ.

ދަތުރު ކުރާ ފަރާތްތަކުން މޫސުމަށް ސަމާލުވުމަށް ކަމާބެހޭ ފަރާތްތަކުން ވަނީ އިލްތިމާސް ކޮށްފައެވެ.