ފުއްގިރީގެ މައްސަލާގައި ކުރީގެ ރައީސް ޔާމީނަށް ކުރާ ދައުވާގެ އަޑުއެހުމެއް މާދަމާ ބާއްވަން ތާވަލްކޮށްފިއެވެ.
މިއީ ޔާމީނުގެ މައްޗަށް ދައުލަތުން އުފުލާފައިވާ މަނީ ލޯންޑަރިންއާއި ރިޝްވަތު ގަބޫލުކުރުމުގެ ކުށުގެ ދައުވާގެ އަޑުއެހުމެކެވެ. ހޯމަ ދުވަހު ކްރިމިނަލް ކޯޓުގައި ދައުލަތުން ކޮށްފައިވާ މި ދައުވާގެ އަޑުއެހުން ތާވަލްކޮށްފައިވަނީ ހެދުނު 9:00 އަށެވެ. ދައުލަތުން ކޮށްފައިވާ ދައުވާއަކީ ރ.ފުއްގިރި ވިއްކައިގެން ލިބުނު ކަމަށް ބެލެވޭ މިލިއަނަކަށްވުރެ ގިނަ ޑޮލަރު ރައީސް ޔާމީންގެ އަމިއްލަފުޅު އެކައުންޓަކަށް ޖަމާކުރެއްވިކަމަށް ތުހުމަތުކުރެވޭ މައްސަލައިގެ އަޑުއެހުމެކެވެ.
މަނީލޯންޑަރިންގެ މައްސަލައިގައި ކުރީގެ ރައީސް ޔާމީން 5 އަހަރު ދުވަހަށް ޖަލަށް ލުމަށް ކުރި ހުކުމް ނިމުނު ހަފުތާގެ އަންގާރަ ދުވަހު ސްޕްރީމް ކޯޓުން ވަނީ ބާތިލްކޮށްފައެވެ. އެހެންނަމަވެސް މިވަގުތުވެސް އިތުރު މައްސަލަތަކެއްގެ ކޯޓުތަކުގައި އޮތުމުން ރައީސް ޔާމީން ރާއްޖެއިން ފުރުން މަނާކޮށް 7 ދުވަހުގެ އަމުރެއް ވަނީ ނެރެފައެވެ.
