ކުރީގެ ރައީސް ޔާމީނުގެ ޕާސްޕޯޓު ހިފަހައްޓަންޖެހޭ ސަބަބެއް ނެތް ކަމަށް ކޯޓުން ނިންމައިފިއެވެ.
މިއަދު ހަވީރު އޮތް އަޑުއެހުމުގައި ކުރިމިނަލް ކޯޓުން ނިންމާފައިވަނީ އިދިކޮޅު ލީޑަރު އަދި ކުރީގެ ރައީސް ޔާމީންގެ ޕާސްޕޯޓު ހިފަހައްޓަންޖެހޭ ތަނެއް ނެތް ކަމަށާއި ދައުލަތުން އެދުނު އަމުރު ނެރެވެން ނެތް ކަމަށެވެ.
މިމަހުގެ 28 ވަނަ ދުވަހު ދައުލަތުގެ ފަރާތުން ރައީސް ޔާމީނުގެ ޕާސްޕޯޓު ހިފަހެއްޓުމުގެ އަމުރެއް ނެރެދިނުމަށް އެދުނީ އެމަނިކުފާނުގެ 2019 ވަނަ އަހަރުގެ ނޮވެމްބަރު މަހުގެ 28 ވަނަ ދުވަހުގައި އެ ކޯޓުން އިއްވި ޖަލު ހުކުމް ދިވެހިރާއްޖޭގެ ސުޕްރީމް ކޯޓުން ބާތިލުކުރުމާ ގުޅިގެންނެވެ.
ކުރިމިނަލް ކޯޓުން އެއިރު ވަނީ ޔާމީނުގެ ޕާސްޕޯޓު 7 ދުވަހުގެ މުއްދަތަށް ހިފަހެއްޓުމަށް އަމުރުކޮށްފައެވެ. ރައީސް ޔާމީނުގެ މައްޗަށް ކޮށްފައިވާ ޖަލު ހުކުމް ބާތިލް ކޮށްފައިވަނީ އެމަނިކުފާނު ޖަލުގައި ހުންނަވާތާ 732 ދެ ދުވަސް ފަހުންނެވެ.
