އަތޮޅުތެރޭގައި ބޭނުންކުރުމަށް އެސް.ޓީ.އޯ މެދުވެރިކޮށް ގެނެވިފައިވާ 20 އެމްބިއުލަންސްގެ ދެވަނަ ޝިޕްމަންޓްވެސް ރަށްތަކަށް ފޮނުވަން ފަށައިފިއެވެ.
ހެލްތް މިނިސްޓްރީން ކުރިން ބުނެފައިވަނީ ކްލިއަރކޮށް އިދާރީގޮތުން ފުރިހަމަކުރަންޖެހޭ ކަންކަން ފުރިހަމަކުރުމަށްފަހު އަތޮޅުތެރެއަށް ފޮނުވުމުގެ މަސައްކަތް ކުރަމުންދާ ކަމަށެވެ. އެގޮތުން އެމްބިއުލާންސްތައް ފޮނުވާ ރަށްތަކަކީ ހދ.ކުމުންދޫ, ށ.ބިލެތްފެހި, ށ.ނަރުދޫ, ނ.ފޮއްދޫ, ކ.ކުޑަފަރީ, ބ.ކެންދޫ, އއ.މަތިވެރި, އއ.ބޮޑުފުޅުދޫ, އދ.މަންދޫ, އދ.ފެންފުށި, މ.ދިއްގަރު, މ.ކޮޅުފުށި, ފ.ފީއަލި, ތ.މަންދޫ, ތ.ބުރުނީ, ތ.ދިޔަމިނގިލި, ލ.ކުނަހަންދޫ, ގއ.ކޮލަމާފުށި, ގއ.ނިލަންދޫ އަދި ގދ.ރަތަފަންދޫއެވެ.
މީގެ ކުރިންވެސް ވަނީ 20 އެމްބިއުލާންސް ރަށްތަކަށް ފޮނުވާފައެވެ. އެގޮތުން މީގެ ކުރިން ފޮނުވާފައިވަނީ
ހއ އުލިގަމު، ހއ ފިއްލަދޫ، ހދ މަކުނުދޫ، ހދ ނޮޅިވަރަމް، ށ ފޯކައިދޫ، ނ މިލަންދޫ، ނ ހެނބަދޫ، ރ އިނގުރައިދޫ، ޅ ކުރެންދޫ، ބ ތުޅާދޫ، ކ ހުރާ، އދ ދަނގެތި، ފ ބިލެއްދޫ، ތ މަޑިފުށި، ލ މާމެންދޫ، ގއ ގެމަނަފުށި، ށ މަރޮށި، ތ ގާދިއްފުށި، ބ ކުޑަރިކިލު އަދި އއ ތޮއްޑޫ އަށެވެ.
ރައީސް އޮފީހުގެ ތަރުޖަމާން މުހައްމަދު މަބްރޫކު އަޒީޒު މީގެ ކުރިން މީޑިއާތަކަށް ވިދާޅުވެފައިވާ ގޮތުގައި، މިއަހަރު ނިމުމުގެ ކުރިން 60 އެމްބިއުލާންސް ގެނައުމަކީ ސަރުކާރުގެ އަމާޒެވެ.
