ރާއްޖެއިން މިއަދު ކޮވިޑަށް ޕޮޒިޓިވްވީ 218 މީހުން އެޗްޕީއޭއިން ބުނެފިއެވެ.
ހެލްތް ޕްރޮޓެކްޝަން އެޖެންސީން ބުނީ އަތޮޅު ތެރެއިން މިއަދު ޕޮޒިޓިވްވީ 188 މީހުން ކަމަށެވެ. އަދި މާލެ ސަރަހައްދުން ޕޮޒިޓުވްވެފައިވަނީ 20 މީހުންނެވެ. އަދި ރިސޯޓްތަކުން ޕޮޒިޓިވްވީ 10 މީހުންނެވެ.
މިހާތަނަށް ރާއްޖެއިން މި ބައްޔަށް ޕޮޒިޓިވްވީ މީހުންގެ އަދަދު ވަނީ 93،064 އަށް އަރާފައެވެ. މިވަގުތު މިބަލިޖެހިފައިވާ 1،933 މީހުން ރާއްޖޭގައި އެބަތިއްބެވެ. މިވަގުތު ހޮސްޕިޓަލްތަކުގައި އެޑްމިޓްކޮށްގެން ފަރުވާ ދެމުންދަނީ 15 މީހުންނަށެވެ. މިހާތަނަށް 90،861 މީހުން ވަނީ ރާއްޖެއިން މިބަލި ޖެހުމަށްފަހު ފަސޭވެފައެވެ.
މިހާރު ރާއްޖެއިން މިބަލީގައި ނިޔާވި މީހުންގެ އަދަދު ވަނީ 257 އަށް އަރާފައެވެ.
+1
+1
+1
+1
+1
+1
