ދެ ދުވަހުން 119 ކިލޯގެ މަސްތުވާތަކެތި ފުލުހުން ހޯދައިފިއެވެ.
ކޮމިޝަނަރ އޮފް ޕޮލިސް މުޙައްމަދު ޙަމީދު ވިދާޅުވީ، ފުލުހުން މިހާރު ކުރިއަށްގެންދާ ޑްރަގް އޮޕަރޭޝަނުގައި ހެރޮއިން ކަމަށް ޝައްކުކުރެވޭ 91 ޕެކެޓާއެކު 48 ގަޑިއިރުގެ ތެރޭގައި އަތުލައިގަތް މަސްތުވާތަކެތީގެ އަދަދު 119 ކިލޯއަށް އަރާފައިވާ ކަމަށެވެ.
އަދި ފުލުހުން ކުރިއަށްގެންދާ މި އޮޕަރޭޝަންގައި މި ހަފުތާގެ އާދިއްތަ ދުވަހުގެރޭ އެކަނިވެސް ވަނީ 28 ޕެކެޓް އަތުލައިގެންފައެވެ. ސީޕީ ހަމީދު ވިދާޅީ، ފުލުހުން މިހާރު ފަށާފައިވާ ހާއްސަ އޮޕަރޭޝަނުގައި އަތުލައިގެންފައިވާ 199ގެ މަސްތިވާތަކެތީގެ އަންދާޒާ ކުރެވޭ ބަރުދަނަކީވެސް 199 ކިލޯ ކަމަށެވެ. އަދި މި ތަކެތި އަތުލައިގަނެވުނީ ފުލުހުން ކުރި ވަރަށް ރަނގަޅު ޕޮލިސިން މަސައްކަތަށް ފަހު ކަމަށް ސީޕީ ވަނީ ވިދާޅުވެފައެވެ.
މިފަހަކަށް އައިސް ފުލުހުން ހިންގާ ހާއްސަ އޮޕަރޭޝަންތަކުގައި ގިނަ އަދަދެއްގެ މަސްތުވާތަކެތި އަތުލައިގަނެ ގިނަ ބަޔަކު ދަނީ ހައްޔަރުވެސް ކުރަމުންނެވެ. މީގެ އިތުރުންވެސް ވައިގެ މަގުން ރާއްޖެއަށް އެތެރެ ކުރަން އުޅެނިކޮށްވެސް ގިނަ އަދަދެއްގެ މަސްތުވާތަކެތި ކަސްޓަމްސް އިން ވެސް ވަނީ އަތުލައިގެންފައެވެ.
