އިތުރު އެއްލައްކައަށްވުރެ ގިނަ ޑޯޒްގެ ވެކްސިން ކޮވެކްސް ފެސިލިޓީން ރާއްޖެއަށް މިއަދު ހަދިޔާކޮށްފިއެވެ.
އެގޮތުން ކޮވެކްސް އިން ވަނީ ރާއްޖެއަށް މިއަދު 100،620 ޑޯޒްގެ ފައިޒާ ވެކްސިން ހަދިޔާ ކޮށްފައެވެ. ކޮވިޑް19 އިން ރައްކާތެރިވުމަށް ޖަހަމުންދާ ވެކްސިންގެ ތިން ވަނަ ޑޯޒްއަށް ރާއްޖެއިން ޖެހުމަށް ބޭނުން ކުރަމުންދަނީ ފައިޒަރ ވެކްސިންނެވެ. ޔުނިސެފް މޯލްޑިވްސް އިން މިއަދު ކޮށްފައިވާ ޓްވީޓެއްގައި ބުނެފައިވަނީ މިއަދު ރާއްޖެއަށް ހަދިޔާކުރި 100،620 ޑޯޒްގެ ވެކްސިންގެ އާ ޝިޕްމަންޓަކީ ބޫސްޓަރ ޑޯޒު ޖެހުމަށް ދީފައިވާ އެއްޗެއް ކަމަށެވެ.
އުމުރުން 50 އަހަރުން މަތީގެ މީހުންނަށް މިހާރު ރާއްޖޭގައި ބޫސްޓަރ ޑޯޒް ޖަހަމުންދާއިރު މިހާތަނަށް ވަނީ 22،093 މީހުން ބޫސްޓަރ ޑޯޒް ޖަހާފައެވެ. މީގެ ކުރިންވެސް ކޮވެކްސް ފެސިލިޓީން ވެކްސިން ވަނީ ރާއްޖެއަށް ހަދިޔާކޮށްފައެވެ.
+1
+1
+1
+1
+1
+1
