ކުރީގެ ޓޫރިޒަމް މިނިސްޓަރު އަލީ ވަހީދު ކޯޓަށް ހާޒިރުކުރުމަށް، އޭނާ ހޯދަން ރެޓް ނޯޓިސް ނެރެފައިވާ ކަމަށް ފުލުހުން މިއަދު ބުނެފި އެވެ.
ކުރިމިނަލް ކޯޓުން ވަނީ އިންޓަޕޯލް މެދުވެރިކޮށް އަލީ ވަހީދު ބަންދުކޮށްގެން ގެނައުމަށް ފުލުހުންގެ މައްޗަށް އަމުރުކޮށްފައެވެ.
ފުލުހުން މިއަދު ބުނީ އަލީ ވަހީދު ކޯޓަށް ހާޒިރުކުރުމަށް ކޮށްފައިވާ އަމުރާ ގުޅިގެން ނެރުނު ރެޑް ނޯޓިސް އާ ގުޅިގެން ޕީޖީ އޮފީހާ އެކުގައި ކުރަން ޖެހޭ މަސައްކަތްތައް ކުރަމުން އަންނަ ކަމަށެވެ.
ފުލުހުން މީގެކުރިން ބުނެފައިވަނީ އަލީ ވަހީދު ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ކްރިމިނަލް ކޯޓުން އަމުރުކުރުމާ ގުޅިގެން އޭނާ ހޯދުމަށް އިންޓަޕޯލް ރެޑް ނޯޓިސް ނެރުމަށް، ކްރިމިނަލް ކޯޓުން ނެރެފައިވާ އަމުރު އިނގިރޭސިބަހުން ފޮނުވަން އެދިފައިވާ ކަމަށެވެ. އަދި އެކަން ލަސްވަނީ އިނގިރޭސިބަހުން ލިޔެފައިވާ އަމުރު ނުލިބޭތީ ކަމަށް އޭރު ވަނީ ބުނެފައެވެ.
