"ފްރޭމް ފަޅާއަރައި" ނުހައްގުންދޭ އަނިޔާގެ ބަދަލު ހޯދާނެކަމަށް ކުރީގެ ޓުއަރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.
އަލީ ވަހީދު ހައްޔަރުކޮށްގެން އަނބުރާ ރާއްޖެ ގެނައުމަށް މިއަދު އިންޓަޕޯލުނެ ރެޑް ނޯޓިސް ނެރެމާއި ގުޅިގެން އޭނާ ކުރެއްވި ޓްވީޓެއްގައި ވިދާޅުވީ ބޭއިންސާފުގެ ކުރިމަތީގައި އަމާންނުދޭނެ ކަމަށާއި، އަނިޔާވެރި ކަމުގެ ކުރިމަތީގައި ކުޑަކަކޫ ނުޖަހާނެ ކަމަށެވެ. އަދި، ފްރޭމް ފަޅާއަރައި ނުހައްގުންދޭ އަނިޔާގެ ބަދަލުވެސް ހޯދާނެ ކަމަށާއި، އޭނާގެ މައުސޫމްކަން މުޅި ދުނިޔެއަށް ސާބިތުކޮށްދޭނެ ކަމަށްވެސް ޓްވީޓުގައިވެއެވެ.
އިންޓަޕޯލް ރެޑް ނޯޓިސް ނެރުމާއި ގުޅިގެން މިއަދު ފުލުހުން ބުނީ، އެކަމާއި ގުޅިގެން ކުރަންޖެހޭ މަސައްކަތްތައް ޕްރޮސެކިއުޓަރ ޖެނެރަލްގެ އޮފީހާއި ގުޅިގެން ކުރަމުންގެންދާ ކަމަށެވެ.
މިނިސްޓަރަކަށް ހުންނެވި އިރު، ޓޫރިޒަމް މިނިސްޓްރީގެ މުވައްޒަފުންތަކަކަށް ޖިންސީ ގޯނާކުރި މައްސަލައިގެ ތުހުމަތަށް އަލީ ވަހީދުގެ މައްޗަށް ދައުލަތުން ހަތް ދައުވާ އުފުލާފައިވެ އެވެ. އެ ދައުވާތައް ސާބިތުވެއްޖެ ނަމަ އޭނާގެ މައްޗަށް 21 އަހަރު ދުވަހުގެ ޖަލު ހުކުމެއް އަންނާނެ އެވެ.
