ސާފުތާހިރުކަމަކީ އިސްލާމް ދީނާއި ދިވެހި ވަންތަކަމުގެ ވަރަށް ޚާއްޞަ ސިފައެއް ކަމަށް މިނިސްޓަރ އޮފް ސްޓޭޓް ފޮރ ހޯމްއެފެއާޒް ޢަލީ ނަޒީރު ވިދާޅުވެއްޖެއެވެ.
ނަޒީރު މިހެން ވިދާޅުވެފައިވަނީ މިއަހަރުގެ ޝަހީދުންގެ ދުވަސް ފާހަގަ ކުރުމަށް މިނިސްޓްރީ އޮފް ހޯމްއެފެއާޒްއާއި ފުވައްމުލައް ސިޓީ ކައުންސިލް ގުޅިގެން ކުރިއަށް ގެންދާ ހަރަކާތްތަކުގެ ތެރެއިން ސާފުފުވައްމުލައް ޝިއާރުގެ ދަށުން ފުވައްމުލަކު އެކި ސަރަހައްދުތަކުގައި ބޯޑު ޖެހުން އިފްތިތާހްކޮށްދެއްވައި ވާހަކަދައްކަވަމުންނެވެ.
ނަޒީރު ވިދާޅުވީ މިގައުމުގެ ދިފާއުގައި ޖާނާމާލުން ޤުރުބާންވެ ޝަހީދުވެ ދިޔަ އަބްޠާލުން ގުރުބާން ވެވަޑައިގަތީ މާތްވެގެންވާ އިސްލާމްދީނާއި ދިވެހި ވަންތަކަން މިއަދުގެ ޖީލަށް ވާރުތަ ކޮށްދެއްވުމަށްކަމަށް ދެކެވަޑައިގަންނަވާ ކަމަށެވެ.
އިސްލާމް ދީނުގައިވެސް އަދި ދިވެހި ވަންތަކަމުގައިވެސް ވަރަށް ޚާއްޞަ ސިފައެއް ސާފުތާހިރުކޮށް، ސާފުކޮށް އަމާން އޮމާންކޮށް ދިރިއުޅުމަކީ. މިކަން މިގޮތަށް ދެމެހެއްޓުމަކީ ޖަޒީރާވަންތަ ރާއްޖެއެއްގެ ގޮތުގައި ދެމެހެއްޓުމަކީ
ސާފުކޮށް ބޭއްވުމަށްޓަކައި އެންމެ މުހިންމު ކަމަކީ ކުނި ނޭޅުން ކަން ފާހަގަކުރައްވާ މިނިސްޓަރ ވިދާޅުވީ އެކަމަކީ އަންނަން އޮތް ޖީލަށްވެސް އުނގަންނައިދީ އަށަގަންނުވަންޖެހޭ ވަރަށް މުހިންމު ސިފައެއް ކަމުގައި ދެކެވަޑައިގަންނަވާ ކަމަށެވެ.
1443 ވަނައަހަރުގެ ޝަހީދުންގެ ދުވަހުގެ ރަސްމީ ޖަލްސާ މާދަމާރޭ ފުވައްމުލަކުސިޓީގައި ބޭއްވުމަށް ވަނީ ހަމަޖެހިފައެވެ.
