ކޮވިޑް-19 ގެ ބަލިމަޑުކަމާ ހެދި ރާއްޖޭގައި އިއުލާންކޮށްފައި އޮތް ކުއްލި ނުރައްކަލުގެ ހާލަތު ރެއިން ފެށިގެން އުވާލާފައިވާތީ ދެން މާސްކް އެޅުން ވެސް މަޖުބޫރުނުވާނެ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފި އެވެ.
ރޭ ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ރަފީގް ވިދާޅުވީ މާސްކް އަޅަން ދެންނ މަޖުބޫރު ވާނީ ކޮވިޑް ފެތުރޭ ސަރަހައްދުތަކުގައި ޕޮޒިޓިވިޓީ ނިސްބަތް 20 ޕަސެންޓަށް ވުރެ މަތިވާ ނަމަ ކަމަށެވެ. އަދި މާސްކް އެޅުން މަޖުބޫރުވާނީ ސިއްހީ ހިދުމަތް ދޭ ހުރިހާ ތަނެއްގަ އެވެ.
މާސްކް އެޅުމުގެ މަޖުބޫރު އުސޫލު ރެއިން ފެށިގެން އުވައިލި ނަމަވެސް ހައި ރިސްކް މީހުންނާއި އާންމުކޮށް ގިނައިން މީހުން އެއްވާ ތަންތަނުގައި އުޅޭއިރު މާސްކް އެޅުމަކީ ވަރަށް އެދެވިގެންވާ ކަމެއް ކަމަށް ޑރ. ނަޒްލާ ވިދާޅުވި އެވެ.
ކޮވިޑްގެ ރައްކާތެރިކަމުގެ ފިޔަވަޅެއްގެ ގޮތުގައި މާސްކް އެޅުން މަޖުބޫރުކުރީ ޖުލައި 30، 2020 ގަ އެވެ.
