ހަލުވި ސްޕީޑްތަކާ އެކު، އުރީދޫ ސުޕަނެޓް ފިކްސްޑް ބްރޯޑްބޭންޑުގެ ހިދުމަތް ނ.ހޮޅުދޫއަަށް މިއަދު ތައާރަފްކޮށްފި އެވެ.
އުރީދޫން ބުނީ ސުޕަނެޓް ފިކްސްޑް ބްރޯޑްބޭންޑްްގެ ހިދުމަތް 100 އެމްބީޕީއެސްއާ ހަމައަށް ލިބޭނެ ކަމަށެވެ.
އުރީދޫގެ ޗީފް ކޮމާޝަލް އޮފިސާ ހުސައިން ނިޔާޒު ވިދާޅުވީ، ރާއްޖޭގެ ހުރިހާ ހިސާބަކަށްވެސް ފެންވަަރު ރަނގަަޅު އިންޓަނެޓްގެ ހިދުމަތް މުހިއްމު ކަމަށެވެ. އަދި އެކުންފުނިން އެންމެ ބޮޑު އިސްކަމެއް ދެނީ އެ ހިދުމަތްތައް ރާއްޖޭގެ ހުރިހާ ހިސާބުތަކަށް ފުޅާކުރަން ކަމަށް އޭނާ ވިދާޅުވި އެވެ.
މިއަހަރު ވެސް ރާއްޖޭގެ އެކި ސަރަހައްދުތަކުގެ ގިނަ ރަށްތަކަކަށް އުރީދޫގެ ހިދުމަތްތައް ފުޅާކުރަން ވަނީ ނިންމައިފަ އެވެ.
"ބޮޑެތި ޑޭޓާ އެލަވަންސްތަކާއި، ހަލުވި ސްޕީޑްތަކާއި، ޑޭޓާ ރޯލްއޯވާ ހިދުމަތް އެކުލެވޭ މި ޕެކޭޖްތަކަކީ މާކެޓްގަައި އެންމެ ރަަނގަޅު ޕެކޭޖްތަައް. ކުރިއަށްއޮތްް ތަނުގައިވެސް ދިވެހިންގެ އިޖްތިމާއީ އަދި އިގްތިސާދީ ތަރައްގީއަށް މަންފާވާނެ ފަދަ ހިދުމަަތްތަަައް ފޯރުކޮށް ދިނުމުގައި އަޅުގަނޑުމެން ދެމިތިބޭނެ ކަަަމުގެ ޔަަަގީންކަން އަަރުވަން،" އޭނާ ވިދާޅުވި އެވެ.
އުރީދޫން ވަނީ ދާދި ފަހުން އުރީދޫ ސުޕަނެޓް ޕެކޭޖްތަކަށް ބޮޑެތި ބަދަލުތަކެއް ގެނެސް އަޕްގްރޭޑްކޮށްފަ އެވެ. މި ބަދަލުގެ ދަށުން ސުޕަނެޓް ކަސްޓަމަރުންނަށް ފަސް ގުނަ އިތުރު ސްޕީޑާއެކު 100 ޕަސެންޓާ ހަމައަށް އިތުރު ޑޭޓާ އަދި ކުރިއަށްވުރެ ހަލުވި ތްރޮޓްލް އިންޓަނެޓް ސްޕީޑްވެސް ކަސްޓަމަރުންނަށް ލިބޭނެ ކަމަށް އުރީދޫން ބުންޏެވެ.
