ރައީސް ޑރ. މުހައްމަދު މުއިއްޒުގެ ޚާއްސަ ޝުކުރު ތުރުކީގެ ރައީސް ޠައްޔިބް އުރުދުޣާނަށާއި ޗައިނާގެ ރައީސް ޝީ ޖިންއަށް ދަންނަވައިފިއެވެ.
މިއަދު ހެނދުނު ރައްޔިތުންގެ މަޖިލީހަށް ރިޔާސީ ބަޔާން އިއްވަވަމުން ރައީސް މުއިއްޒު ވިދާޅުވީ ފާއިތުވެދިޔަ ދެ މަހެއްހާ ދުވަހުގައި ތުރުކީއާއި ޗައިނާއަށް ކުރެއްވި ދަތުރުފުޅުތަކުގައި ރާއްޖެއަށް ވިޔަފާރީގެ ގިނަ ފުރުސަތުތަކެއް ތަނަވަސްވެގެން ގޮސްފައިވާ ކަމަށާއި، ބޮޑެތި އިންވެސްޓްމަންޓްތަކާއި އަދި ކުރިޔަށް ދިއުމުގެ ފުރުސަތު ރާއްޖެއަށް ފަހިވެގެން ހިގައްޖެ ކަމުގައެވެ.
އަދި އެކަމަށްޓަކާ ތުރުކީގެ ރައީސްއަށާއި، ޗައިނާގެ ރައީސަށް ޚާއްސަ ޝުކުރެއް އަރިސްކުރާކަމަށް ރައީސް މުއިއްޒު ވިދާޅުވިއެވެ.
މި ވޭތުވި 11 ވަރަކަށް ހަފުތާގެ ތެރޭގައި، ތުރުކީ ވިލާތަށާ، ޗައިނާއަށް އަޅުގަނޑު ދަތުރުކޮށްފިން. މިއިން ކޮންމެ ދަތުރަކުންވެސް ބޮޑެތި އިންވެސްޓްމަންޓްތަކާ ކުރިއަށް ދިއުމުގެ ފުރުޞަތުތައް ދިވެހިރާއްޖެއަށް ފަހިވެއްޖެ. މިކަމަށްޓަކައި އެދެޤައުމުގެ ވެރިންނަށް، އާދެ، ތުރުކީގެ ރައީސް ރަޖަބް ޠައްޔިބް އުރުދުޣާނަށާއި ޗައިނާގެ ރައީސް ޝީ ޖިން ޕިން އަށް ވަރަށް ބޮޑަށް ޝުކުރު ދަންނަވަން.
ރައީސް ވިދާޅުވިއެވެ.
ތުރުކީއާއި ޗައިނާ ހިމެނިގެން ދިޔައީ ރައީސްކަމުގެ ހުބާ ކުރެއްވުމަށްފަހު ރައީސް މުއިއްޒު އެންމެ ފުރަތަމަ ވަޑައިގެންނެވި ދެ ގައުމު ކަމުގައެވެ. މިދެގައުމަށް ކުރެއްވި ދަތުރުފުޅުގައި ރައީސް މުއިއްޒުވަނީ ދެގައުމުގެ ރައީސުންނާއި އިސްވެރިންގެ އިތުރުން، ވިޔަފާރަވެރިންނާއި ބައްދަލުކޮށް، ރާއްޖެއަށް ބޭނުންވާ ވިޔަފާރީގެ ފުރުސަތުތަކާއި ގުޅޭގޮތުން މަޝްވަރާ ކުރައްވާފައެވެ.
