ފުލެޓު ލިބުނު ކަމަށް ބުނެ މަކަރާއި ހީލަތުން މީހެއްގެ އެކައުންޓުން 500،000 ރުފިޔާ ނެގި މައްސަލައިގައި 23 އަހަރުގެ މީހަކު ފުލުހުންގެ ހައްޔަރަށް ގެންގޮސްފިއެވެ.
ފުލުހުން ބުނެފައިވަނީ އެ މައްސަލައިގައި ފައިސާ ހޯދައިފައިވަނީ އޮޅުވާލައިގެން ފުލެޓު ލިބުނު ކަމަށްބުނެ އޯޓީޕީ ހޯދައިގެން ކަމަށެވެ. އަދި އެ ކަން ހިނގާފައިވަނީ މި މަހުގެ 13 ވަނަ ދުވަހު ކަމަށްވެސް މައުލޫމާތު ދީފައި ވެއެވެ.
އެ މައްސަލައާއި ގުޅިގެން 23 އަހަރުގެ ފިރިހެނަކު ހައްޔަރުކޮށްފައިވަނީ ކޯޓު އަމުރެއްގެ ދަށުން މި މަހުގެ 17 ވަނަ ދުވަހުކަމަށް ފުލުހުން ވަނީ މައުލޫމާތު ދީފައެވެ. އެހެންކަމުން މި މައްސަލައިގައި އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރު ކުރުމުން ބަންދަށް 15 ދުވަހުގެ މުއްދަތެ ޖަހާފައިވާ ކަމަށްވެސް ފުލުހުން ވަނީ ބުނެފައެވެ.
މިމައްސަލަ މީހާރު ފުހުން ދަނީ ތަހުގީގު ކުރަމުން ކަމަށް އެ މުވައްސަސާއިން ވަނީ މައުލޫމާތު ދީފައެވެ. ސްކޭމްތައް މިހާރު ގިނަވެ އެކަމަށް ސަމާލު ވުމަށްވެސް ފުލުހުން ދަނީ އިލްތިމާޒް ކުރަމުންނެވެ.
