އެސް.ޓީ.އޯ މެދުވެރިކޮށް ގެނެސްފައިވާ އެމްބިއުލަންސްތައް ރަށްތަކަށް ފޮނުވަން ފަށާފައިވާ ކަމަށް ހެލްތު މިނިސްޓްރީން ބުނެފިއެވެ.
އެގޮތުން ރާއްޖެއަށް ގެނެސްފައިވާ ވިހި އެމްބިއުލާންސް ފޮނުވުމަށް މިއަދު ވަނީ ފުރުވާލާފައެވެ. އެމްބިއުލާންސްތައް މިވަގުތު ފޮނުވާ ރަށްތަކަކީ، ހއ އުލިގަމު، ހއ ފިއްލަދޫ، ހދ މަކުނުދޫ، ހދ ނޮޅިވަރަމް، ށ ފޯކައިދޫ، ނ މިލަންދޫ، ނ ހެނބަދޫ، ރ އިނގުރައިދޫ، ޅ ކުރެންދޫ، ބ ތުޅާދޫ، ކ ހުރާ، އދ ދަނގެތި، ފ ބިލެއްދޫ، ތ މަޑިފުށި، ލ މާމެންދޫ، ގއ ގެމަނަފުށި، ށ މަރޮށި، ތ ގާދިއްފުށި، ބ ކުޑަރިކިލު އަދި އއ ތޮއްޑޫ އަށެވެ.
ހެލްތް މިނިސްޓްރީން އެމްބިއުލަންސް ތައް ފުރުވާލައިފައިމިވަނީ އަތޮޅުތެރޭގައި ބޭނުންކުރުމަށް އެސް.ޓީ.އޯ މެދުވެރިކޮށް ގެނެސްފައިވާ ވިހި އެމްބިއުލަންސްގެ ފުރަތަމަ ޝިޕްމަންޓް، އިދާރީގޮތުން ފުރިހަމަކުރަންޖެ ހޭ ކަންކަން ފުރިހަމަކުރުމަށް ފަހު އަތޮޅުތެރެއަށް ފޮނުވުމުގެ މަސައްކަތް ކުރާނެ ކަމަށް މީގެ ތިން ދުވަސް ކުރިން ބުނެފައި ވަނިކޮށެވެ.
