ތެލުގެ ބާޒާރަށް އައި ބަދަލާއެކު އެސްޓީއޯއިން ތެލުގެ އަގު ބޮޑުކޮށްފި

ދުނިޔޭގެ ތެލުގެ ބާޒާރުގައި ތެލުގެ އަގަށް އައި ބަދަލާއިއެކު އެސްޓީއޯއިން ރާއްޖޭގައި ވިއްކާ ތެލުގެ އަގު ބޮޑުކޮށްފި އެވެ.

އެކުންފުނި ނެރުނު ބަޔާނެއްގައި ބުނީ އެފްއެސްއެމް އިން މިއަދުން ފެށިގެން ޑީސަލް ލީޓަރެއް ވިއްކާނީ 10.95 ރ. އަށް ކަމަށެވެ. ކުރިން ޑީސަލް ލީޓަރެއް ވިއްކަމުން އައީ 10.27 ރ. އަށެވެ.

މީގެ އިތުރުން ޕެޓްރޯލް ލީޓަރެއްގެ އަގު މިހާރު ވަނީ 10.72 ރ. އަށް މަތިކޮށްފަ އެވެ. ކުރިން ޕެޓްރޯލް ލީޓަރެއް ވިއްކީ 9.74 ރ. އަށެވެ.

މިދިޔަ މަހުގެ ތެރޭގައިވެސް އެސްޓީއޯއިން ވަނީ ތެލުގެ އަގު މަތިކޮށްފަ އެވެ.

މި ބަދަލު އެސްޓީއޯއިން ގެނައީ ދުނިޔޭގެ ތެލުގެ ބާޒާރުގައި އަގުތަކަށް އައި ބަދަލާއިއެކު އެވެ. އެގޮތުން ކުރިން 71 ޑޮލަރަށް ވިއްކަމުން އައި ތެޔޮ ފީފާއެއްގެ އަގު މިހާރު ވަނީ 75.20 ޑޮލަރަށް ބޮޑުކޮށްފަ އވެެ.