ވާވޭ ބްރޭންޑުގެ ފޯނު ގެންގުޅޭ ފަރާތްތަކަށް ގޫގުލް ޕްލޭ ބޭނުންކުރުމުގައި ދިމާވި ދަތިތަކުގެ ސަބަބުން އުރީދޫ އެޕު ބޭނުންކުރުމުގައި ދަތިތަކެއް ދިމާވި މައްސަލަ ހައްލުކޮށްފި އެވެ.
ފަހުގެ ވާވޭ ފޯނު ގެންގުޅޭ ފަރާތްތަކަށް ގޫގުލް ޕްލޭ ބޭނުންނުކުރެވޭތީ އުރީދޫ އެޕް މެދުވެރިކޮށް ކަސްޓަމަރުންނަށް ލިބޭ ބައެއް ހިދުމަތްތައް މެދުކެނޑުނެވެ. މިމައްސަލައަށް ހައްލެއް ނުލިބި ދުވަސްތަކެއް ވެފައިވަނިކޮށް އުރީދޫން ވަނީ އެ ނެޓްވޯކުގެ އެޕްލިކޭޝަން، ވާވޭ ވެބްސައިޓް މެދުވެރިކޮށް ޑައުންލޯޑު ކުރެވޭ ގޮތް ހަދައިފަ އެވެ.
މިއީ ވާވޭގެ ރަސްމީ އެޕް ގެލެރީން ރާއްޖޭގެ އެޕްލިކޭޝަނެއް މިގޮތަށް ޑައުންލޯޑުކުރެވޭގޮތް ހެދި ފުރަތަމަ ފަހަރެވެ.
އުރީދޫ އެޕް ޑައުންލޯޑު ކުރެއްވުމަށް ore.do/appgallery މި ލިންކަށް ފިއްތާލައިގެން ފަސޭހަކަމާއެކު ވާވޭ ފޯނުތަކަށް އެޕްލިކޭޝަން އިންސްޓޯލް ކުރެވޭނެ އެވެ.
ވާވޭ އަކީ އެޕަލް އާއި ސެމްސަންގެ އިތުރުން ރާއްޖޭގައި އެންމެ ބޮޑު މަގްބޫލުކަމެއް ހޯދަމުން އަންނަ ސްމާޓްފޯނު ބްރޭންޑެވެ.
